Eduardo José Castaño Barreiro, secretario xudicial do Xulgado do Social número un da Coruña, fai saber que no procedemento de despedimento/cesamentos en xeral 852/2011 deste xulgado do social, seguido por instancia de José Manuel Vázquez Couto contra a empresa Apligarco, S.L.U., sobre despedimento, se ditou a seguinte resolución, cuxa parte dispositiva se xunta:

«Dilixencia de ordenación.

Secretario xudicial Eduardo José Castaño Barreiro.

A Coruña, 27 de xaneiro de 2012.

Dado que foi devolta a notificación da sentenza á demandada por Correos, coa anotación de descoñecido e solicitada información da base de datos da Tesouraría Xeral da Seguridade Social a que ten acceso este xulgado, ao estar esta dada de baixa, notifíquese a sentenza por medio de edictos que se publicarán no Diario Oficial de Galicia.

Notifíquese ás partes.

Modo de impugnación. Mediante recurso de reposición, que se deberá interpor ante quen dita esta resolución, no prazo dos cinco días hábiles seguintes ao da súa notificación, con expresión da infracción que a xuízo do recorrente contén, sen que a interposición do recurso teña efectos suspensivos respecto da resolución contra a cal se recorreu.

E para que sirva de notificación en legal forma a Apligarco, S.L.U., en ignorado paradoiro, expido este edicto para a súa inserción no Diario Oficial de Galicia».

Advírtese o destinatario de que as seguintes comunicacións se farán fixando copia da resolución ou da cédula no taboleiro de anuncios da oficina xudicial, agás no suposto da comunicación das resolucións que sexan autos ou sentenzas, ou cando se trate de emprazamentos.

A Coruña, 27 de xaneiro de 2012.

O secretario xudicial
Rubricado