Por Orde desta Consellería de Facenda do 28 de febreiro de 2011 (DOG núm. 63, do 30 de marzo), e 1 de xullo de 2011 (DOG núm. 143, do 27 de xullo), foi declarada a alleabilidade de dous inmuebles da antiga Cámara Agraria Local de Santiago de Compostela, dos cales foi autorizado o seu alleamento mediante poxa, por resolución da Secretaría Xeral Técnica e do Patrimonio do 19 de outubro de 2011.
Logo de celebrarse a primeira poxa pública e de publicarse no Diario Oficial de Galicia (DOG núm. 6, do 10 de xaneiro de 2012) a Orde do 20 de decembro de 2011, pola que se acorda a venda duns inmobles procedentes da antiga Cámara Agraria Local de Santiago de Compostela e se declara deserta a adxudicación do resto de inmobles, tivo lugar o día 17 de xaneiro de 2012 a segunda poxa pública anunciada, co que á vista das actas da mesa de contratación, de conformidade co disposto no artigo 70 do Decreto 50/1989, polo que se aproba o regulamento para a execución da Lei do patrimonio da Comunidade Autónoma galega, e tras a proposta da Secretaría Xeral Técnica e do Patrimonio,
RESOLVO:
Primeiro. Declarar deserta en segunda poxa a adxudicación das seguintes parcelas:
1. Parcela n.º 94, Novais, situada en San Martiño de Laraño (Santiago de Compostela), cunha superficie aproximada de 850 m2, que segundo o rexistro da propiedade linda: norte, con María Suárez Blanco; sur, camiño construído polo Servizo de Concentración Parcelaria; leste, María Suárez Blanco; e oeste, Ramón Rey Pais. Referencia catastral: 15079A509000940000FW. Inscrita no Rexistro da Propiedade n.º 2 de Santiago de Compostela como predio n.º 22.970, tomo 1.202, libro 244 e folio 204.
2. Parcela n.º 354, Cortiña de Pazo, situada no lugar de Coira (Ames), cunha superficie aproximada de 936 m2, que segundo o rexistro da propiedade linda: norte, con camiño construído polo Servizo de Concentración Parcelaria; sur, con zona excluída; leste, con zona excluída e oeste con Castora Viqueira Gendra. Referencia catastral: 3751701NH3435S0001JG. Inscrita no Rexistro da Propiedade n.º 2 de Santiago de Compostela como predio n.º 22.992, tomo 1.202, libro 244 e folio 215.
De acordo co disposto na cláusula décimo primeira do prego de condicións deste alleamento, realizarase terceira poxa o día 17 de febreiro de 2012 na aula do baixo do edificio administrativo da rúa Pastoriza 8 de Santiago de Compostela, a partir das 10.00 horas, con rebaixa no tipo de taxación dun 30% respecto do tipo da primeira poxa, se así o acorda o presidente da mesa, (teléfono de información 881 99 772-981 54 41 51).
Segundo. Contra esta resolución, que pon fin á vía administrativa, poderase interpor recurso potestativo de reposición perante esta consellería no prazo dun mes, contado desde o día seguinte ao da súa publicación no Diario Oficial de Galicia, ou recurso contencioso-administrativo perante a Sala do Contencioso-Administrativo do Tribunal Superior de Xustiza de Galicia, no prazo de dous meses.
Santiago de Compostela, 8 de febreiro de 2012.
P.D. (Orde 9.1.2012)
M.ª del Socorro Martín Hierro
Secretaria xeral técnica e do Patrimonio da Consellería de Facenda