Visto o expediente para outorgamento de autorización administrativa e de aprobación do proxecto de execución da instalación eléctrica que a seguir se cita:
Solicitante: Unión Fenosa Distribución, S.A.
Domicilio social: avda. de Arteixo, 171, 15007 A Coruña.
Denominación: adecuación L.M.T., C.T. Oza ponte.
Situación: concello de Oza dos Ríos.
Características técnicas: liña de media tensión subterránea a 15/20 kV cunha lonxitude de 0,028 km, con orixe e final en empalmes en L.M.T.S. BEG-706 entre C.T. O Castiñeiro e C.T. Travesa; realiza entrada e saída no C.T.C. proxectado, en condutor R.H.Z.1-2OL-12/20 kV 3(1×240 Al).
Centro de transformación non prefabricado Oza ponte, cunha potencia de 630 kVA e unha relación de transformación de 15.000/400-230 V. Proxéctase, ademais, a reparación da caseta de obra civil, retirada da porta exterior e realización de foso de recollida de aceite. Concello de Oza dos Ríos.
Cumpridos os trámites ordenados na Lei 54/1997, do 27 de novembro (BOE n.º 285), do sector eléctrico, e no título VII, capítulo II, do Real decreto 1955/2000, do 1 de decembro (BOE n.º 310), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, esta xefatura territorial resolve:
Autorizar e aprobar o proxecto de execución da devandita instalación, cuxas características se axustarán en todas as súas partes ás que figuran nel e ás condicións técnicas e de seguridade establecidas nos regulamentos de aplicación.
Esta autorización outórgase sen prexuízo das concesións e autorizacións que sexan necesarias, de acordo con outras disposicións que resulten aplicables e, en especial, as relativas á ordenación do territorio e ao ambiente.
A instalación executarase nun prazo non superior a un ano, contado a partir da data desta resolución.
Contra esta resolución poderase interpor recurso de alzada, ante o conselleiro de Economía e Industria, no prazo dun mes contado a partir do día seguinte ao da notificación desta resolución; tamén se poderá interpor calquera outro recurso que se considere pertinente.
A Coruña, 20 de xaneiro de 2012.
P.A. (Artigo 39.3 do Decreto 324/2009, DOG n.º 117, do 17 de xuño)
Isidoro Martínez Arca
Xefe do Servizo de Administración Industrial