Juan Varela Durán solicitou o cambio de nivel de protección do pazo de Brandeso, sito no lugar de Casal de Abaixo, da parroquia de Brandeso, para que a dita edificación pase do nivel de protección ambiental 3 a integral nivel 1.

Visto o informe emitido con data do 15 de novembro de 2011 polo arquitecto superior que presta o servizo de asistencia urbanística a este concello, así como o informe emitido con data do 14 de decembro de 2011 polo xefe de planeamento e inventario da Dirección Xeral de Patrimonio Cultural.

Considerando o disposto no artigo 4.2.8 da normativa do PXOM, e de acordo co establecido no título I, capítulos II e III da Lei 8/1995, do 30 de outubro, de patrimonio cultural de Galicia.

Esta alcaldía

RESOLVEU:

Primeiro. Someter o expediente ata agora tramitado ao trámite de información pública polo período dun mes, no Diario Oficial de Galicia e no Boletín Oficial da provincia, así como tamén no taboleiro de edictos da Casa do Concello, cuxo prazo empezará a rexer a partir do día seguinte ao da súa publicación no DOG; co fin de que as persoas ou entidades interesadas, poidan examinar o expediente e presentar as alegacións que achen convenientes.

Segundo. Suspender o outorgamento de licenzas municipais de parcelación, edificación e/ou demolición no ámbito afectado polo cambio de nivel de protección pretendido, ata que se resolva de forma definitiva o dito expediente.

Terceiro. De non formularse alegacións, ou unha vez resoltas as que se formulasen, elevarase o expediente ao Pleno do Concello para que se pronuncie sobre a súa aprobación definitiva.

Arzúa, 9 de xaneiro de 2012.

José Luis García López
Alcalde