En cumprimento do disposto no artigo 4 da Lei 9/2006, do 28 de abril, de avaliación dos efectos de determinados plans e programas no ambiente, faise pública a decisión de non someter a modificación puntual das normas subsidiarias de planeamento municipal para a delimitación do núcleo rural de Francos-Penelas-A Barciela e a modificación de ordenanzas, disposicións de carácter xeral e o réxime de aplicación ás edificacións fóra de ordenación do Concello de Outeiro de Rei, ao procedemento establecido no seu artigo 7.
Esta decisión pódese consultar na Consellería de Medio Ambiente, Territorio e Infraestruturas no seguinte enderezo da internet: http://aae.medioambiente.xunta.es/
Santiago de Compostela, 18 de xaneiro de 2012.
Justo de Benito Basanta
Secretario xeral de Calidade e Avaliación Ambiental