De conformidade co establecido no artigo 29.2.º do Decreto lexislativo 1/2008, do 13 de marzo, polo que se aproba o texto refundido da Lei da función pública de Galicia, e en uso das atribucións conferidas polo artigo 17.4.º da mesma lei, esta consellería
DISPÓN:
Primeiro. Anunciar a convocatoria para cubrir, polo sistema de libre designación, os postos de traballo que se indican no anexo I.
Segundo. Poderán concorrer a ela os funcionarios de carreira que reúnan as condicións sinaladas no anexo I.
O significado das claves numéricas que aparecen na columna corpo ou escala dos postos de traballo incluídos no anexo I desta orde, é o establecido na Resolución da Consellería da Presidencia, Administracións Públicas e Xustiza do 25 de maio de 2007, publicada no DOG n.º 107, do 5 de xuño, na súa páxina 9.434.
Terceiro. As solicitudes para participar nesta convocatoria dirixiranse por escrito á conselleira de Sanidade (edificio administrativo San Lázaro s/n, Santiago de Compostela), segundo o modelo que se inclúe como anexo II a esta orde.
As ditas solicitudes poderanse presentar no Rexistro Xeral da Consellería de Sanidade, nos das súas delegacións provinciais, nos das direccións provinciais do Servicio Galego de Saúde ou en calquera das oficinas previstas no artigo 38.4.º da Lei 30/1992, do 26 de novembro, de réxime xurídico das administracións públicas e do procedemento administrativo común (modificada pola Lei 4/1999, do 13 de xaneiro), no prazo de quince días hábiles, contados a partir do seguinte ao da publicación desta orde no Diario Oficial de Galicia.
Cuarto. Os aspirantes deberán unirlle á petición curriculum vitae e xustificar documentalmente os méritos que aleguen.
Os méritos alegados e non probados da maneira que vimos de sinalar non se terán en conta.
Quinto. Esta convocatoria será resolta pola Consellería de Sanidade. A súa resolución farase pública no Diario Oficial de Galicia e poderá declararse deserto o posto de traballo, de considerarse oportuno.
Sexto. O nomeamento dun funcionario con destino definitivo noutra Administración pública ou que preste os seus servizos na comunidade autónoma como consecuencia dunha comisión de servizos concedida conforme o disposto na disposición transitoria oitava, punto 4 da Lei 30/1984, do 2 de agosto, que resulte seleccionado para ocupar o posto de traballo anunciado estará condicionado a que a súa Administración emita informe favorable sobre el, conforme o previsto no Real decreto 28/1990, do 15 de xaneiro, e demais disposicións concordantes.
Sétimo. O prazo de toma de posesión será de tres días, se o destino anterior está na mesma localidade do novo destino, e dun mes, se están en localidade distinta ou comporta o reingreso ao servizo activo.
O prazo de toma de posesión empezará a contarse a partir do día seguinte ao do cesamento, que deberá producirse dentro dos tres días seguintes ao da publicación da resolución no Diario Oficial de Galicia.
Se a resolución comporta o reingreso ao servizo activo, o prazo de toma de posesión empezará a contarse a partir do día seguinte ao da súa publicación no Diario Oficial de Galicia.
Oitavo. Contra a presente orde, que pon fin á vía administrativa, poderase interpoñer potestativamente recurso de reposición ante este mesmo órgano, no prazo dun mes contado a partir do día seguinte ao da súa publicación. De non se estimar a interposición deste recurso poderase interpoñer recurso contencioso-administrativo ante o xulgado do contencioso-administrativo competente, no prazo de dous meses contados a partir do día seguinte ao da súa publicación.
Santiago de Compostela, 9 de xaneiro de 2012.
Rocío Mosquera Álvarez
Conselleira de Sanidade
ANEXO I
Código do posto: SAS050000115770001.
Denominación do posto: subdirector/a xeral de Xestión e Políticas de Persoal.
Dependencia: Dirección de Recursos Humanos.
Localidade: Santiago de Compostela.
Tipo de posto: S.
Grupo: A1.
Nivel: 30.
Complemento específico: 21.029,54 euros.
Corpo ou escala: xeral/estatutario Servizo Galego de Saúde.
Formación específica: 640.
Adscripción: A 16.
Código do posto: SAS050000215770001.
Denominación do posto: subdirector/a xeral de Planificación, Selección e Desenvolvemento Profesional.
Dependencia: Dirección de Recursos Humanos.
Localidade: Santiago de Compostela.
Tipo de posto: S.
Grupo: A1.
Nivel: 30.
Complemento específico: 21.029,54 euros.
Corpo ou escala: xeral/estatutario Servizo Galego de Saúde.
Formación específica: 640.
Adscripción: A 16.
Código do posto: SAS050000215770006.
Denominación do posto: Servizo de Planificación.
Dependencia: Dirección de Recursos Humanos.
Localidade: Santiago de Compostela.
Tipo de posto: S.
Grupo: A1, A2.
Nivel: 28.
Complemento específico: 15.981,84 euros.
Corpo ou escala: xeral/estatutario Servizo Galego de Saúde.
Formación específica: 640.
Adscripción: A 16.
Código do posto: SAS050000215770023.
Denominación do posto: Servizo de Avaliación Económica, dotación de cadros de persoal, seguimento e control orzamentario.
Dependencia: Dirección de Recursos Humanos.
Localidade: Santiago de Compostela.
Tipo de posto: S.
Grupo: A1, A2.
Nivel: 28.
Complemento específico: 15.981,84 euros.
Corpo ou escala: xeral/estatutario Servizo Galego de Saúde.
Formación específica: 640.
Adscripción: A 16.
Código do posto: SAS050000115770035.
Denominación do posto: Servizo de Análise e Organización de Postos.
Dependencia: Dirección de Recursos Humanos.
Localidade: Santiago de Compostela.
Tipo de posto: S.
Grupo: A1, A2.
Nivel: 28.
Complemento específico: 15.981,84 euros.
Corpo ou escala: xeral/estatutario Servizo Galego de Saúde.
Formación específica: 640.
Adscripción: A 16.
