Mediante Resolución do 12 de abril de 2011 convócase o procedemento aberto para seleccionar, polo sistema multicriterio, unha oferta co obxecto de tramitar unha concesión administrativa de ocupación de dominio público portuario para explotación de instalacións náutico-recreativas no porto de Sada. O dito procedemento aberto foi adxudicado por resolución do presidente de Portos de Galicia o pasado 4 de novembro, e a entidade adxudicataria foi Puerto Deportivo Sada, S.L.
Con base no disposto na cláusula décimo terceira G. Tramitación da concesión do prego de bases do procedemento aberto, e do artigo 85 Real decreto lexislativo 2/2011, do 5 de setembro, polo que se aproba o texto refundido da Lei de portos e da mariña mercante, procede someter a solicitude a información pública.
Polo exposto nos parágrafos anteriores faise público o expediente correspondente á solicitude da concesión, para os efectos previstos no artigo 85 do Real decreto lexislativo 2/2011, do 5 de setembro, polo que se aproba o texto refundido da Lei de portos e da mariña mercante, para que as persoas e entidades interesadas poidan examinar o expediente e presentar por escrito as alegacións que consideren oportunas nos servizos centrais de Portos de Galicia, oficinas sitas na praza Europa 5 A-6.º, polígono das Fontiñas, 15707 Santiago de Compostela, no prazo de vinte (20) días hábiles, contados a partir do seguinte ao de publicación deste anuncio no Diario Oficial de Galicia.
A documentación está á disposición na web www.portosdegalicia.com
Santiago de Compostela, 16 de novembro de 2011.
José Juan Durán Hermida
Presidente de Portos de Galicia