De conformidade co disposto no artigo 36 da Lei 10/1985, do 14 de agosto, de concentración parcelaria para Galicia, modificada pola Lei 12/2001, do 10 de setembro, notifícaselles aos propietarios da relación que se achega, cuxo domicilio é descoñecido ou porque, intentada a notificación polo servizo de Correos, esta non se puido practicar, na concentración parcelaria da zona de Troáns-sector II (Cuntis-Pontevedra), declarada de utilidade pública e urxente execución polo Decreto 302/1995, do 16 de novembro (DOG n.º 228, do 28 de novembro) e posteriormente dividida polo Decreto 249/1998, do 10 de setembro (DOG n.º 184, do 22 de setembro), o seguinte:

Primeiro. A xunta local da zona de Troáns-sector II, na súa reunión do día 20 de xullo de 2011, aprobou as bases definitivas da dita zona, unha vez introducidas as modificacións oportunas, á vista do resultado das alegacións presentadas.

Segundo. As mencionadas bases definitivas estarán expostas ao público na Casa do Concello de Cuntis-Pontevedra e nos lugares de costume da zona durante o período de interposición de recursos, de conformidade co que determina a Lei 10/1985, do 14 de agosto, de concentración parcelaria para Galicia, modificada pola Lei 12/2001, do 10 de setembro.

Terceiro. Contra estas bases, os interesados poderán interpoñer por si mesmos ou por representación recurso de alzada ante o conselleiro do Medio Rural, dentro do prazo de trinta días contados desde o seguinte á publicación desta resolución no Diario Oficial de Galicia.

Cuarto. Os recursos poderanse presentar no Rexistro da Xefatura Territorial da Consellería do Medio Rural en Pontevedra –sito na rúa Fernández Ladreda, 43–, no Rexistro Xeral da Consellería do Medio Rural –sito no edificio administrativo de San Caetano, s/n, de Santiago de Compostela–, ou en calquera das dependencias a que fai referencia o artigo 38.4.º da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro.

Pontevedra, 22 de decembro de 2011.

Gerardo Zugasti Enrique
Xefe territorial de Pontevedra

ANEXO