Mediante carta certificada con xustificante de recepción, intentouse en dúas ocasións a notificación da citación para a toma de declaración a Ana María Abella Val de conformidade co artigo 21.2 do Regulamento de réxime disciplinario dos funcionarios da Comunidade Autónoma de Galicia, aprobado polo Decreto 94/1991, do 20 de marzo, sen que conste a súa recepción pola persoa interesada. En aplicación do disposto no artigo 59.4.º da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro, por medio deste anuncio, para os efectos da súa notificación, cítase a Ana María Abella Val para que compareza perante este instrutor o vindeiro día 26 de xaneiro de 2012, ás 11.00 horas, nas dependencias do Servizo Territorial da Inspección Educativa do Departamento Territorial da Consellería de Educación e Ordenación Universitaria en Ourense, sitas na rúa do Concello n.º 11, 32003 Ourense (7.º andar).
Lugo, 9 de xaneiro de 2012.
Federico Pérez Morán
Instrutor