Aprobado o expediente de contratación que a seguir se identifica, mediante Resolución do 10 de xaneiro de 2012, procédese agora a efectuar o seu anuncio de licitación.
Esta resolución constitúe un acto de trámite para os efectos do parágrafo segundo do artigo 107.1 da Lei 30/1992, do 26 de novembro, de réxime xurídico das administracións públicas e do procedemento administrativo común.
1. Entidade adxudicadora.
a) Organismo: Presidencia da Xunta de Galicia.
b) Dependencia que tramita o expediente: Secretaría Xeral para o Deporte.
2. Obxecto do contrato.
a) Descrición do obxecto: contratación do servizo de transporte para escolares participantes no Programa Xogade (Xogos galegos deportivos en idade escolar), curso 2011-2012.
b) Lugar de execución: nas condicións do prego de cláusulas administrativas particulares.
c) Prazo de execución: durante a duración do Programa Xogade (5 meses) organizado pola Secretaría Xeral para o Deporte durante o curso 2011-2012.
3. Tramitación, procedemento e forma de adxudicación.
a) Tramitación: ordinaria.
b) Procedemento: aberto harmonizado.
4. Orzamento base de licitación.
Importe sen impostos: 452.532,66 €.
Impostos: 36.202,60 €.
Importe total: 488.735,26 €, impostos incluídos, e conforme a seguinte distribución por anualidades:
Ano 2012: 488.735,26 €, impostos incluídos.
5. Garantías.
a) Garantía provisional: non se exixe, ao abeiro do disposto no artigo 103 do TRLCSP.
b) Garantía definitiva: cinco por cento (5%) do importe de adxudicación, impostos excluídos.
6. Obtención de documentación e información.
No Servizo de Contratación e Xestión Económica da Secretaría Xeral para o Deporte (estadio multiusos de San Lázaro, s/n - porta 4, 15781 Santiago de Compostela. Teléfono: 981 54 26 26. Fax: 981 54 26 39).
Os pregos de cláusulas administrativas particulares e prescricións técnicas a que se refire o parágrafo anterior poderán ser consultados tamén na internet:
www.contratosdegalicia.es/resultado.jsp?N=17107
Requisitos específicos do contratista:
a) Clasificación: grupo R, subgrupo 1, categoría D.
b) Solvencia económica e financeira e solvencia técnica e profesional: a acreditación efectuarase mediante a presentación dos documentos sinalados no prego de cláusulas administrativas particulares.
7. Presentación de ofertas.
a) Data límite de presentación: o 10 de febreiro de 2012, ás 14.00 horas.
b) Documentación que hai que presentar: a requirida polo prego de cláusulas administrativas particulares.
Os contratistas que se atopen inscritos no Rexistro Xeral de Contratistas da Comunidade Autónoma e así o fagan constar na folla de especificacións do sobre A (documentación administrativa) quedarán exonerados de presentar a documentación a que se refire o artigo 5 da Orde do 23 de outubro de 1995 (DOG do 10 de novembro).
c) Lugar de presentación:
No rexistro público da Secretaría Xeral para o Deporte (estadio multiusos. San Lázaro, s/n-porta 4. 15781 - Santiago de Compostela. Fax: 981 54 26 39), tamén poden ser enviados por correo dentro do prazo de admisión.
8. Apertura de ofertas.
a) Entidade: Secretaría Xeral para o Deporte.
b) Enderezo: estadio multiusos San Lázaro, s/n - porta 4, 15781.
c) Localidade: Santiago de Compostela.
d) Data: o 20 de febreiro de 2012.
e) Hora: 11.00 horas.
Anunciarase no perfil do contratante e comunicaráselles aos licitadores a convocatoria da mesa pública para a apertura do sobre número 3.
9. Outras informacións.
A mesa de contratación comprobará en acto previo a documentación do sobre A e publicará no taboleiro de anuncios dos servizos centrais da Secretaría Xeral para o Deporte o resultado da apertura, para que se emenden, se for o caso, e dentro do prazo que se indique, os defectos materiais observados na dita documentación.
10. Gastos do anuncio.
Os gastos que orixine a publicación, por unha soa vez, do anuncio desta licitación nos correspondentes diarios e boletíns oficiais serán por conta dos adxudicatarios dos contratos, sen que se poida imputar á Administración contratante ningún pagamento por tal concepto.
O importe estimativo máximo é o seguinte:
Custo do Diario Oficial de la Unión Europea: gratuíto.
Custo do BOE: taxa/liña de título: 13,82 €. Taxa/liña de texto: 15,35 €.
Custo do DOG: 5,42 € por liña publicada no DOG.
11. Data de envío do anuncio ao Diario Oficial de la Unión Europea: o 2 de xaneiro de 2012.
Santiago de Compostela, 10 de xaneiro de 2012.
Por desconcentración (Decreto 325/2009)
José Ramón Lete Lasa
Secretario xeral para o Deporte