María Adelaida Egurbide Margañón, secretaria xudicial do Xulgado do Social número 5 da Coruña, fago saber que no procedemento despedimento/cesamentos en xeral 843/2011 deste xulgado do social, seguido por instancia de Ana María Neira Carral contra a empresa Técnica Instalaciones Coruña, S.L., Fondo de Garantía Salarial, sobre despedimento, ditouse a seguinte resolución:

«Decido que debo estimar e estimo subsidiariamente a demanda que, en materia de despedimento, foi interposta por Ana María Neira Carral, contra a empresa Técnica Instalaciones Coruña, S.L., e en consecuencia, debo declarar e declaro improcedente o despedimento que a demandante foi obxecto con data do 8 de xullo de 2011, e debo declarar e declaro extinguida a relación laboral que unía as partes, desde a data desta resolución (16.11.2011) ao ter sido pechada a anterior entidade, condenando a entidade Técnica Instalaciones Coruña, S.L., e a súa Administración concursal ao aboamento dunha indemnización por despedimento a razón de 23.166,14 euros, máis ao aboamento dos salarios de tramitación entre a data do despedimento, e esta resolución, cuantificados a razón de 47,89 euros diarios, e polo tanto, 6.273,41 euros.

Coa intervención procesual do Fondo de Garantía Salarial.

Notifíquese esta resolución ás partes facéndolles saber o seu dereito a interpoñer contra esta recurso de suplicación perante a Sala do Social do Tribunal Superior de Xustiza de Galicia, o cal poderán anunciar por comparecencia ou por escrito perante este xulgado no prazo de cinco días a partir da súa notificación.

Se o recurso é interposto pola parte demandada non se admitirá este sen a previa consignación do importe da condena que deberá ingresar na conta do Xulgado do Social número 5 da Coruña, aberta no grupo Banesto, máis 150 euros do depósito especial indicado no artigo 227.1.a) da LPL. Ambos os dous ingresos deberanse efectuar por separado na mesma conta corrente antes indicada, podendo substituír a empresa o importe da consignación pola constitución a disposición deste xulgado de aval bancario por tempo indefinido e con responsabilidade solidaria do avalista.

Dedúzase testemuño literal desta sentenza que quedará nestas actuacións, con inclusión da orixinal no Libro de sentenzas.

Así, por esta miña sentenza, pronúncioo, mándoo e asínoo».

E para que sirva de notificación ao destinatario empresa: Técnica Instalaciones Coruña, S.L., e advírteselle de que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo o suposto da comunicación das resolucións que deban revestir forma de auto ou sentenza, ou cando se trate de localización.

Na Coruña o 28 de decembro de 2011.

A secretaria xudicial