Para os efectos previstos na Lei 54/1997, do 27 de novembro, e no artigo 125 do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización da instalación eléctrica que se cita:

Solicitante: Unión Fenosa Distribución, S.A.

Enderezo social: travesía de Vigo, 204, 36207 Vigo.

Denominación: modificado L.M.T., C.T., R.B.T. a Galufa II.

Situación: Vilagarcía de Arousa.

Características técnicas: L.M.T. subterránea a 20 kV subterránea con condutor tipo R.H.Z. de 797 metros de lonxitude, con orixe no apoio existente anterior ao C.T. Galufa e final no C.T. proxectado a Galufa II. Centro de transformación de 250 kVA, R.T. 20 kV/400-230 V, situado na parroquia de Cornazo, Vilagarcía de Arousa. Dúas redes de B.T., unha aérea e outra subterránea de 797 e 456 metros de lonxitude respectivamente.

Todas aquelas persoas ou entidades que se consideren afectadas poderán presentar as súas alegacións nesta xefatura territorial, edificio administrativo avda. Fernández Ladreda 43, 5.º, no prazo de vinte días. Así mesmo, e durante o mencionado prazo, tamén se poderá examinar o proxecto da instalación.

Pontevedra, 26 de decembro de 2011.

Ignacio Rial Santomé
Xefe territorial de Pontevedra