Visto o expediente para outorgamento de autorización administrativa e aprobación do proxecto de execución da instalación eléctrica que se cita:
Solicitante: Unión Fenosa Distribución, S.A.
Domicilio social: A Batundeira 2, 32960 Velle, Ourense.
Denominación: L.M.T. e C.T. Deputación.
Situación: concello de Friol.
Características técnicas:
– L.M.T. a 20 kV, soterrada baixo tubo con orixe no apoio existente 1802092-19-6, correspondente á L.M.T. FRO0804 e final no C.T. proxectado na r/ Deputación, cunha lonxitude de 810 metros, en condutor R.H.Z.-150.
– C.T. non prefabricado en baixo de edificio situado na r/ Deputación, cunha potencia de 400 kVA e unha relación de transformación de 20.000V/400-230V.
Cumpridos os trámites ordenados na Lei 54/1997, do 27 de novembro, e no Real decreto 1955/2000, do 1 de decembro (BOE n.º 310), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, esta xefatura territorial resolve:
Autorizar e aprobar o proxecto de execución das devanditas instalacións, cuxas características se axustarán en todas as súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente, independentemente das autorizacións, licenzas ou permisos de competencia municipal, provincial ou outros necesarios para a realización das obras das instalacións autorizadas.
Contra esta resolución poderase interpor recurso de alzada ante o conselleiro de Economía e Industria no prazo dun mes, contado a partir do día seguinte ao da notificación desta resolución; tamén se poderá interpor calquera outro recurso que se considere pertinente.
Lugo, 26 de decembro de 2011.
José Manuel Vázquez Leirado
Xefe territorial de Lugo