Obtida a verificación do plan de estudos polo Consello de Universidades, logo do informe favorable da Axencia Nacional de Avaliación da Calidade e Acreditación (ANECA) e establecido o carácter oficial do título por Acordo do Consello de Ministros do 22 de xaneiro de 2010 (publicado no BOE do 26 de febreiro de 2010 por Resolución da Secretaría Xeral de Universidades do 9 de febreiro de 2010).

Para os efectos do cumprimento do previsto no artigo 35.4 da Lei orgánica 6/2001, do 21 de decembro, de universidades, e na redacción dada pola Lei orgánica 4/2007, do 12 de abril, que establecen que os reitores e as reitoras das universidades deberán ordenar a publicación no Boletín Oficial del Estado (BOE) e, neste caso, no Diario Oficial de Galicia (DOG); do primeiro inciso do número 5.1 da memoria para a solicitude de verificación de títulos oficiais, segundo o anexo I do Real decreto 1393/2007, do 29 de outubro, segundo comunicado do 14 de outubro de 2008, da Subdirección Xeral de Coordinación Académica e Réxime Xurídico do Ministerio de Ciencia e Innovación, relativo á estrutura das ensinanzas; e segundo o artigo 26 do Real decreto 861/2010, do 2 de xullo.

Esta reitoría

RESOLVE:

Publicar o plan de estudos conducente á obtención do título oficial de máster universitario en Teoría do Sinal e Comunicacións pola Universidade de Vigo, que se recolle no anexo a esta resolución.

Vigo, 19 de decembro de 2011.

Salustiano Mato de la Iglesia
Reitor da Universidade de Vigo

ANEXO
Máster universitario en Teoría do Sinal e Comunicacións

Rama de coñecemento: Enxeñaría e Arquitectura.

Universidades participantes: Vigo.

Cadro 1. Distribución de créditos ECTS segundo tipo de materia.

Tipo de materia	ECTS
Obrigatorias	0
Optativas	45
Prácticas externas	0
Traballo fin de máster	15
Créditos totais	60

Cadro 2. Materias, créditos e distribución temporal do máster.

Materia	ECTS	Carácter	Módulo
Métodos de Simulación de Sinais Aleatorias	5	Optativo	Submódulo A: Procesado Estatístico de Sinais	I. Fundamentos de Procesado de Sinal e Comunicacións
Procesado Estatístico de Sinal e Técnicas Bootstrap	5	Optativo
Recoñecemento Estatístico de Patróns e Redes Neuronais	5	Optativo
Tratamento de Sinal en Comunicacións	5	Optativo	Submódulo B: Procesado de Sinal en Comunicacións Dixitais
Filtrado Adaptativo	5	Optativo
Sistemas Multiportadora	5	Optativo
Predición de Cobertura para Sistemas de Radiodifusión	5	Optativo	Submódulo C: Modelado da Canle de Comunicación
Procedementos de Medida do Campo Electromagnético	5	Optativo
Antenas para Sistemas de Comunicación e Radar	5	Optativo
Procesado Dixital Avanzado de Voz	5	Optativo	Submódulo A: Aplicacións en Interacción Home-Máquina	II. Aplicacións Multidisciplinares
Recoñecemento de Fala	5	Optativo
Recoñecemento Biométrico	5	Optativo
Sistemas Avanzados de Comunicacións	5	Optativo	Submódulo B: Aplicacións en Comunicacións Dixitais Avanzadas
Seguridade Multimedia	5	Optativo
Visión Artificial	5	Optativo	Submódulo C: Aplicacións en Imaxe e Radar
Teledetección: Fundamentos e Aplicacións	5	Optativo
Traballo fin de máster	15	Obrigatorio	III. Traballo fin de máster

Para a obtención do título de máster universitario en Teoría do Sinal e Comunicacións, o alumnado deberá superar un total de 60 ECTS distribuídos da seguinte forma: 25 ECTS do módulo I segundo as condicións marcadas para cada itinerario:

– Itinerario «Procesado Estatístico de Sinais»: o alumnado ten que matricularse obrigatoriamente de todas as materias do submódulo A (15 ECTS) e dun total de 10 ECTS para escoller entre os submódulos B e C.

– Itinerario «Procesado de Sinais en Comunicacións Dixitais»: o alumnado ten que matricularse obrigatoriamente de todas as materias do submódulo B (15 ECTS) e dun total de 10 ECTS para escoller entre os submódulos A e C.

– Itinerario «Modelado da Canle de Comunicación»: o alumnado ten que matricularse obrigatoriamente de todas as materias do submódulo C (15 ECTS) e dun total de 10 ECTS para escoller entre os submódulos A e B.

Ademais deberá superar 20 ECTS para escoller entre as materias ofertadas no módulo II e o resto de materias que non cursase no módulo I e, por último, 15 ECTS do traballo fin de máster.