Convocada pola Resolución LD-01-2011, do 7 de setembro (DOG n.º 207, do 28 de outubro de 2011), a provisión de diversos postos de xefatura de Servizo e Unidade de Atención Primaria, polo sistema de libre designación, esta Xerencia de Xestión Integrada, á vista das solicitudes e méritos acreditados polos aspirantes, de conformidade co establecido no Decreto 206/2005, do 22 de xullo, de provisión de prazas de persoal estatutario do Servizo Galego de Saúde, así como no artigo 3 da Orde do 24 de maio de 2006, pola que se establecen as bases do procedemento para a provisión dos postos de xefatura e coordinación das institucións sanitarias do Servizo Galego de Saúde, en virtude das competencias atribuídas polo Decreto 311/2009, do 28 de maio (DOG n.º 109, do 5 de xuño), polo que se establece a estrutura orgánica do Servizo Galego de Saúde e Orde do 15 de xuño de 2009 (DOG n.º 119, do 15 de xuño), sobre delegación de competencias en órganos centrais e periféricos do Servizo Galego de Saúde, modificada pola Orde do 3 de xullo de 2009 e pola Orde do 28 de setembro de 2011,
DISPÓN:
Primeiro. Resolver a convocatoria pública para a provisión de diversos postos de xefatura de Servizo e Unidade de Atención Primaria, realizada mediante Resolución LD-01-2011, do 7 de setembro (DOG n.º 207, do 28 de outubro de 2011).
Segundo. Nomear, para os postos que se indican, as persoas relacionadas no anexo á presente resolución.
Terceiro. O réxime de cesamento na praza de orixe e de toma de posesión da praza adxudicada será o establecido no artigo 26 da Orde do 24 de maio de 2006 (DOG n.º 106, do 5 de xuño), pola que se establecen as bases do procedemento para a provisión dos postos de xefatura e coordinación das institucións sanitarias do Servizo Galego de Saúde.
Contra a presente resolución poderá interpoñerse, nos termos previstos na Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro, recurso de alzada perante a Dirección de Recursos Humanos do Servizo Galego de Saúde, no prazo dun mes contado desde o día seguinte ao da súa publicación.
Ferrol, 20 de decembro de 2011.
Luis Verde Remeseiro
Xerente de Xestión Integrada de Ferrol
ANEXO
Posto de traballo: xefe de Servizo de Atención Primaria de Ortigueira.
Nome e apelidos: deserta.
Posto de traballo: xefe de Servizo de Atención Primaria de San Sadurniño.
Nome e apelidos: Díaz Sueiras, Carlos Vicente.
DNI: 32632302-V.
Posto de traballo: xefe de Unidade de Atención Primaria de Cariño.
Nome e apelidos: Marín Sánchez, Luisa.
DNI: 02498153-P.