Por Orde desta consellería do 26 de outubro de 2011 (DOG n.º 218, do 15 de novembro) convocouse a provisión, polo sistema de libre designación, de postos directivos na estrutura de xestión integrada de Ourense, Verín e O Barco de Valdeorras.
De conformidade co establecido no artigo 59 do Decreto 206/2005, do 22 de xullo, de provisión de prazas de persoal estatutario do Servizo Galego de Saúde, en exercicio das competencias que ten atribuídas, esta consellería
DISPÓN:
Primeiro. Resolver a convocatoria pública efectuada por Orde desta consellería do 26 de outubro de 2011 (DOG n.º 218, do 15 de novembro), para os efectos previstos no número 2 do artigo 59 do Decreto 206/2005, do 22 de xullo (DOG n.º 145, do 29 de xullo), de provisión de prazas de persoal estatutario do Servizo Galego de Saúde.
Segundo. Seleccionar e nomear, para o desempeño dos postos que se indican, as persoas que figuran no anexo I desta orde.
Terceiro. Seleccionar, para o desempeño dos postos que se indican, as persoas que figuran no anexo II desta orde, para os efectos de que se proceda á súa vinculación mediante contrato laboral de alta dirección.
Cuarto. Contra esta orde, que pon fin á vía administrativa, poderá interpor recurso potestativo de reposición ante este mesmo órgano, no prazo dun mes contado a partir do día seguinte ao da súa publicación, de conformidade co establecido na Lei 30/1992, do 26 de novembro, de réxime xurídico das administracións públicas e do procedemento administrativo común, ou directamente recurso contencioso-administrativo, no prazo de dous meses contados desde a mesma data, ante o xulgado do contencioso-administrativo competente, segundo o establecido na Lei 29/1998, do 13 de xullo, reguladora da xurisdición contencioso-administrativa.
Santiago de Compostela, 19 de decembro de 2011.
M.ª Pilar Farjas Abadía
Conselleira de Sanidade
ANEXO I
Posto: xerente de Xestión Integrada.
Nome e apelidos: Eloína Núñez Masid.
Posto: director/a de Recursos Humanos.
Nome e apelidos: Celia María Saiz Rubio.
Posto: xerente executivo/a de Verín.
Nome e apelidos: M.ª Guillermina Agulla Budiño.
ANEXO II
Posto: director/a de Procesos Asistenciais.
Nome e apelidos: M.ª Holanda Rodríguez Vázquez.
Posto: director/a de Recursos Económicos.
Nome e apelidos: Alberto Pedrera Fidalgo.
Posto: xerente executivo/a do Barco de Valdeorras.
Nome e apelidos: M.ª Jesús Magadán Álvarez.