De conformidade co disposto no alínea f) do artigo 53 da Lei 26/2006, do 17 de xullo, de mediación de seguros e reaseguros privados, e no artigo 12 da Orde do 17 de marzo de 2009 pola que se regula o Rexistro administrativo especial de mediadores de seguros, corredores de reaseguros e dos seus altos cargos na Comunidade Autónoma de Galicia, esta dirección xeral resolveu, na data que figura no anexo, cancelar a inscrición como corredora de seguros e, por conseguinte, excluír do Rexistro administrativo especial de mediadores de seguros, corredores de reaseguros e dos seus altos cargos na Comunidade Autónoma de Galicia, a María Trinidad Barreiro Carrasco.
A cancelación da inscrición acordouna esta dirección xeral, por solicitude da interesada, e faise pública de conformidade co establecido no artigo 53 da mencionada Lei 26/2006 e no artigo 12 da Orde do 17 de marzo de 2009.
Santiago de Compostela, 30 de decembro de 2011.
Manuel Galdo Pérez
Director xeral de Política Financeira e Tesouro
ANEXO
Clave do rexistro: GF-014.
NIF: 01157864-K.
Apelidos e nome: Barreiro Carrasco, María Trinidad.
Localidade: Lugo.
Data da resolución: 26.12.2011.