Visto o expediente para outorgamento de autorización administrativa e de aprobación do proxecto de execución da instalación eléctrica que a seguir se cita:
Solicitante: Unión Fenosa Distribución, S.A.
Domicilio social: avda. de Arteixo, 171, 15007 A Coruña.
Denominación: alimentación M.T. iluminación túnel acceso Porto Exterior A Coruña.
Situación: concello de Arteixo.
Características técnicas:
Liña eléctrica de media tensión subterránea a 15/20 kV, cunha lonxitude de 0,546 km, coa orixe no paso aerosubterráneo que se vai realizar no apoio proxectado 16/1 para intercalar na L.M.T. SBN-702, tramo entre a derivada ao C.T. Suevos Porto (expediente 50.172) e a derivada ao C.T. Polígono Industrial de Suevos I, condutor tipo R.H.Z.1.-2OL-12/20 kV 3(1×150 Al), e final no C.S. iluminación túnel acceso porto exterior que se instalará polo cliente. Concello de Arteixo.
Cumpridos os trámites ordenados na Lei 54/1997, do 27 de novembro (BOE número 285), do sector eléctrico, e no título VII, capítulo II do Real decreto 1955/2000, do 1 de decembro (BOE número 310), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, esta xefatura territorial resolve:
Autorizar e aprobar o proxecto de execución da devandita instalación, cuxas características se axustarán en todas as súas partes ás que figuran nel e ás condicións técnicas e de seguridade establecidas nos regulamentos de aplicación.
Esta autorización outórgase sen prexuízo das concesións e autorizacións que sexan necesarias, de acordo con outras disposicións que resulten aplicables e, en especial, as relativas á ordenación do territorio e ao ambiente.
A instalación executarase nun prazo non superior a un ano, contado a partir da data desta resolución.
Contra esta resolución poderase interpor recurso de alzada ante o conselleiro de Economía e Industria no prazo dun mes contado a partir do día seguinte ao da notificación desta resolución; tamén se poderá interpor calquera outro recurso que se considere pertinente.
A Coruña, 15 de decembro de 2011.
P.A. (Artigo 39.3 Decreto 324/2009; DOG número 117, do 17 de xuño)
Isidoro Martínez Arca
Xefe do Servizo de Administración Industrial
