Obtida a verificación do plan de estudos polo Consello de Universidades, logo do informe favorable da Axencia Nacional de Avaliación da Calidade e Acreditación (ANECA) e establecido o carácter oficial do título por Acordo do Consello de Ministros do 22 de xaneiro de 2010 (publicado no BOE do 26 de febreiro de 2010 por Resolución da Secretaría Xeral de Universidades do 9 de febreiro de 2010).
Para os efectos do cumprimento do previsto no artigo 35.4 da Lei orgánica 6/2001, do 21 de decembro, de universidades, e na redacción dada pola Lei orgánica 4/2007, do 12 de abril, que establecen que os reitores e as reitoras das universidades deberán ordenar a publicación no Boletín Oficial del Estado (BOE) e, neste caso, no Diario Oficial de Galicia (DOG); do primeiro inciso do número 5.1 da Memoria para a solicitude de verificación de títulos oficiais, segundo o anexo I do Real decreto 1393/2007, do 29 de outubro, segundo comunicado do 14 de outubro de 2008 da Subdirección Xeral de Coordinación Académica e Réxime Xurídico do Ministerio de Ciencia e Innovación, relativo á estrutura das ensinanzas; e segundo o artigo 26 do Real decreto 861/2010, do 2 de xullo.
Esta reitoría,
RESOLVE:
Publicar o plan de estudos conducente á obtención do título oficial de máster universitario en Enxeñaría Química pola Universidade de Vigo, que se recolle no anexo a esta resolución.
Vigo, 19 de decembro de 2011.
Salustiano Mato de la Iglesia
Reitor da Universidade de Vigo
ANEXO
MÁSTER UNIVERSITARIO EN ENXEÑARÍA QUÍMICA
Rama de coñecemento: Enxeñaría e Arquitectura
Universidades participantes: Vigo.
Cadro 1. Distribución de créditos ECTS segundo tipo de materia.
Tipo de materia |
ECTS |
Obrigatorias…………………………………….…… |
60 |
Optativas………………………………................... |
0 |
Prácticas externas……………………………….… |
0 |
Traballo fin de máster…………………................... |
30 |
Créditos totais……………...................... |
90 |
Cadro 2. Materias, créditos e distribución temporal do máster.
Materia |
ECTS |
Carácter |
Módulo |
A Termodinámica Aplicada aos Procesos Industriais |
5 |
Obrigatoria |
Materias obrigatorias |
Aplicación dos Procesos de Separación á Fabricación de Produtos Químicos |
5 |
Obrigatoria |
|
Equilibrio Líquido-Líquido e Coeficientes de Actividade a Dilución Infinita |
5 |
Obrigatoria |
|
Biocatálise Aplicada |
5 |
Obrigatoria |
|
Novos Axentes de Separación para Procesos Industriais: Líquidos Iónicos |
5 |
Obrigatoria |
|
Enxeñaría Electroquímica e Corrosión |
5 |
Obrigatoria |
|
Enxeñaría dos Procesos Fermentativos |
5 |
Obrigatoria |
|
Biotecnoloxía Alimentaria |
5 |
Obrigatoria |
|
Recuperación e Purificación de Produtos Sintetizados Biotecnolóxicamente e/ou de Forma Natural |
5 |
Obrigatoria |
|
Control da Contaminación Ambiental |
5 |
Obrigatoria |
|
Tecnoloxía do Tratamento de Correntes Gaseosas Industriais |
5 |
Obrigatoria |
|
Materiais e Métodos para a Protección dos Metais Fronte á Corrosión |
5 |
Obrigatoria |
|
Traballo Fin de Máster |
30 |
Obrigatoria |
Traballo fin de máster |
Para a obtención do título de máster universitario en Enxeñaría Química o alumnado deberá superar 90 ECTS obrigatorios.