De conformidade co establecido no artigo 3 da Orde da Consellería de Sanidade do 24 de maio de 2006 (Diario Oficial de Galicia n.º 106, do 5 de xuño), pola que se establecen as bases do procedemento para a provisión dos postos de xefatura e coordinación das institucións sanitarias do Servizo Galego de Saúde, a xerenta de Xestión Integrada de Santiago de Compostela

RESOLVE:

Primeiro. Anunciar a convocatoria para cubrir, polo procedemento de libre designación, os postos de traballo que se indican no anexo.

Segundo. As retribucións dos postos ofertados serán as que correspondan de acordo coas ordes vixentes polas que se ditan instrucións sobre a confección de nóminas do persoal ao servizo da Administración autonómica.

Terceiro. As solicitudes para participar na presente convocatoria dirixiranse á Xerencia de Xestión Integrada de Santiago de Compostela (Hospital Clínico Universitario, travesía da Choupana, s/n, 15706 Santiago de Compostela), e poderán presentarse no Rexistro Xeral ou mediante calquera dos procedementos do artigo 38 da Lei 30/1992, do 26 de novembro, de réxime xurídico das administracións públicas e do procedemento administrativo común, no prazo de quince días hábiles, contados a partir do seguinte ao da publicación deste anuncio no Diario Oficial de Galicia.

Cuarto. As bases íntegras da convocatoria estarán expostas nos taboleiros de anuncios do Complexo Hospitalario de Santiago de Compostela, así como na páxina web do Servizo Galego de Saúde (www.sergas.es).

Santiago de Compostela, 9 de decembro de 2011.

Rosa Bermejo Pareja
Xerenta de Xestión Integrada de Santiago de Compostela

ANEXO

1. Denominación do posto: xefe do Servizo de Atención Primaria de Santa Comba.

Requisitos: ter a condición de persoal estatutario fixo en categoría de persoal licenciado sanitario, en situación de servizo activo, desempeñando praza no centro de saúde de Santa Comba, e acreditar un mínimo de tres anos de experiencia profesional na súa categoría profesional en institucións sanitarias do Sistema Nacional de Saúde.

Procedemento de provisión: libre designación.

Institución: Centro de Saúde de Santa Comba.

2. Denominación do posto: xefe do Servizo de Atención Primaria de Boiro.

Requisitos: ter a condición de persoal estatutario fixo en categoría de persoal licenciado sanitario, en situación de servizo activo, desempeñando praza no centro de saúde de Boiro, e acreditar un mínimo de tres anos de experiencia profesional na súa categoría profesional en institucións sanitarias do Sistema Nacional de Saúde.

Procedemento de provisión: libre designación.

Institución: Centro de Saúde de Boiro e consultorio de Cabo de Cruz.