Visto o expediente para outorgamento de autorización administrativa e aprobación do proxecto de execución das instalacións eléctricas que a continuación se describen:
Solicitante: Concello de Ponteareas.
Domicilio social: Xardíns da Xiralda s/n, 36860 Ponteareas.
Denominación: L.M.T.S. de acometida ao C.T. da ETAP.
Situación: Ponterareas.
Descricións técnicas: L.M.T. subterránea a 20 kV con condutor R.H.Z.1 de 190 metros de lonxitude, con orixe no centro de seccionamento Brisa Canedo de Central Eléctrica Sestelo y Cía, S.A. e final no centro de transformación da estación de tratamento de auga potable, situada nas proximidades da rúa Padres Franciscanos, Ponteareas.
Cumpridos os trámites ordenados na Lei 54/1997, do 27 de novembro, do sector eléctrico e no capítulo II, título VII do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, esta xefatura territorial resolve:
Autorizar e aprobar o proxecto de execución das ditas instalacións, cuxas características se axustarán en todas as súas partes ás que figuran nel e ás condicións técnicas e de seguridade establecidas nos regulamentos de aplicación, e nos condicionados establecidos polos ministerios, organismos ou corporacións que constan no expediente.
Esta autorización outórgase sen prexuízo de terceiros e independientemente das autorizacións, licenzas ou permisos de competencia municipal, provincial ou outros necesarios para a realización das obras das instalacións autorizadas.
O prazo de posta en marcha da instalación, de acordo co artigo 131 do R.D. 1955/2000, será de 12 meses a partir da recepción desta resolución. Para efectos da posible solicitude de prórroga, o peticionario deberá ter en conta o disposto no capítulo IV do Decreto 1775/1967, do 22 de xullo.
Contra a presente resolución poderá interpoñer recurso de alzada ante o conselleiro de Economía e Industria no prazo dun mes contado a partir de día seguinte ao da notificación desta resolución; tamén poderá interpoñer calquera outro recurso que considere pertinente ao seu dereito.
Pontevedra, 28 de novembro de 2011.
Ignacio Rial Santomé
Xefe territorial de Pontevedra