Con motivo do cesamento da titular da Consellería de Facenda faise necesario prover a súa substitución ata o nomeamento dun/dunha novo/a titular.
Polo tanto, en uso das atribucións que me confire o artigo 26.7.º da Lei 1/1983, do 22 de febreiro, de normas reguladoras da Xunta e da súa Presidencia,
DISPOÑO:
Como consecuencia do cesamento da súa titular, encárgase do despacho dos asuntos da Consellería de Facenda ao conselleiro de Presidencia, Administracións Públicas e Xustiza desde o día de hoxe ata o nomeamento dun/dunha novo/a titular.
Santiago de Compostela, trinta de decembro de dous mil once.
Alberto Núñez Feijóo
Presidente