María Teresa Mouriño Sexto presentou neste concello, en representación de Maquideza Sdad. Cooperativa Galega, expediente 6564/11, solicitude de licenza de obra para a construción dunha nave para o tratamento de secado de biomasa e almacén de maquinaria, sito no lugar de Alén, Anseán, deste municipio de Lalín.
De conformidade co disposto no artigo 8.3 do Decreto 133/2008, do 12 de xuño, polo que se regula a avaliación de incidencia ambiental, sométese a información pública o expediente referenciado, durante un prazo de vinte días contado desde o día seguinte ao da publicación deste edicto, para os efectos de que se poida examinar o expediente no Departamento de Urbanismo deste concello e formulen os interesados as alegacións que se consideren convenientes.
Lalín, 21 de novembro de 2011.
Xosé Crespo Iglesias
Alcalde