De conformidade co disposto no artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común, notifícanselles ás persoas que se relacionan no anexo as resolucións que o presidente de Augas de Galicia ditou nos expedientes sancionadores instruídos por infraccións en materia de dominio público hidráulico porque, intentada a notificación, non se puido efectuar.

Contra estas resolucións, que non esgotan a vía administrativa, os interesados poderán interpoñer recurso de alzada no prazo dun mes, contado a partir do día seguinte ao da publicación do presente anuncio, ante o conselleiro de Medio Ambiente Territorio e Infraestruturas, transcorrido o cal a resolución devirá firme.

O importe da multa deberá ser aboado a través do seu ingreso na conta restrinxida de Augas de Galicia, recadación de multas e sancións, empregando o modelo impreso que se facilitará nas dependencias deste organismo autónomo (praza de Camilo Díaz Baliño 7-9, 15781 Santiago de Compostela).

Unha vez firme a resolución sancionadora sen constancia do seu pagamento, procederase ao seu cobramento pola vía de constrinximento, segundo o previsto no artigo 97 da Lei 30/1992, do 26 de novembro, de réxime xurídico das administracións públicas e do procedemento administrativo común.

Santiago de Compostela, 12 de decembro de 2011.

Francisco Menéndez Iglesias
Presidente de Augas de Galicia

ANEXO