De conformidade co establecido no Decreto 206/2005, do 22 de xullo (DOG número 145, do 29 de xullo), de provisión de prazas de persoal estatutario do Servizo Galego de Saúde, e en uso das atribucións conferidas no artigo 3 da Orde do 24 de maio de 2006 (DOG número 106, do 5 de xuño) pola que se establecen as bases do procedemento para a provisión dos postos de xefatura e coordinación das institucións sanitarias do Servizo Galego de Saúde, e no artigo 5.1.º j) da Orde do 8 de maio de 2006 (DOG número 99, do 25 de maio) sobre delegación de competencias en órganos centrais e periféricos do Servizo Galego de Saúde,

RESOLVO:

Primeiro. Proceder o anuncio de convocatoria polo procedemento de concurso de méritos e defensa pública dun proxecto de desenvolvemento das función do posto, dos seguintes sete (7) postos de supervisor/a de Unidade do Hospital Lucus Augusti.

– 1 supervisor/a de Unidade de Recursos Materiais.

– 1 supervisor/a de Unidade de Hospitalización Cirúrxica.

– 1 supervisor/a de Unidade de Críticos.

– 1 supervisor/a de Unidade de Técnicas Especiais.

– 1 supervisor/a de Unidade de Quirófano.

– 1 supervisor/a de Unidade de Hospitalización de Obstetricia.

– 1 supervisor/a de Unidade de Hospitalización.

Segundo. As solicitudes para participar nesta convocatoria deberán dirixirse ao director xerente do Hospital Lucus Augusti de Lugo e poderán presentarse no rexistro deste así como en calquera das oficinas previstas no artigo 38 da Lei 30/1992, do 26 de novembro, de réxime xurídico das administracións públicas e do procedemento administrativo común, no prazo de trinta días naturais, contados desde o seguinte ao da data da publicación do anuncio desta convocatoria no Diario Oficial de Galicia.

Terceiro. A mencionada convocatoria estará exposta nos taboleiros de anuncios do Hospital Lucus Augusti de Lugo así como na páxina web do Servizo Galego de Saúde (www.sergas.es).

Lugo, 29 de novembro de 2011.

Francisco José Vilanova Fraga
Director xerente do Hospital Lucus Augusti de Lugo