En cumprimento do disposto na Lei 54/1997, do 27 de novembro, do sector eléctrico, no Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedemento de autorización de instalacións de enerxía eléctrica, e no Real decreto 661/2007, do 25 de maio, polo que se regula a actividade de produción de enerxía eléctrica en réxime especial, sométese a información pública para autorización administrativa o anteproxecto da planta de coxeración que se cita:
Título: Planta de Coxeración.
Situación: polígono industrial das Gándaras, parcela 88.
Concello: O Porriño (Pontevedra).
Solicitante: Indusal Rías Baixas, S.A.
Domicilio social: polígono industrial das Gándaras, parcela 88, 36475 O Porriño.
Orzamento das instalacións: 402.636,30 euros.
Descrición das instalacións:
• Un contedor de coxeración:
– Motor.
– Alternador.
– Sistema de potencia e control da instalación
– Sistema de recuperación e refrixeración da calor do motor.
– Instalacións auxiliares.
• Caldeira de recuperación de gases.
• Instalación de circuíto completo para a refrixeración de camisas e aproveitamento de auga. Entre os elementos máis importantes está un intercambiador de calor de placas para a refrixeración da auga de camisas e un aerorrefrixerador.
• Sistema de control de potencia, protección e sincronismo coa rede.
• Un centro de transformación de 630 kVA con relación de transformación 400 V/15 kV e instalación das celas de protección e demais equipamentos eléctricos de medida.
Todas aquelas persoas ou entidades que se consideren afectadas poderán examinar o expediente e presentar as súas alegacións nesta xefatura territorial, sita no edificio administrativo, avenida Fernández Ladreda 43-5.ª planta de Pontevedra, no prazo de vinte días, a partir da última publicación deste anuncio.
Pontevedra, 15 de setembro de 2011.
Ignacio Rial Santomé
Xefe territorial de Pontevedra