De conformidade co establecido na base segunda da Orde do 3 de novembro de 2011 pola que se convoca concurso de traslados entre persoal funcionario docente pertencente a diversos corpos e inspectores ao servizo da Administración educativa, esta consellería
DISPÓN
Primeiro. Publicar nos anexos I, II, III, IV, V, VI, VII e VIII desta resolución as vacantes provisorias para o curso 2012-2013 nos colexios de educación infantil, primaria, educación infantil e primaria, educación especial, centros públicos integrados, institutos de ensino secundario, escolas oficiais de idiomas, conservatorios de música, escolas de artes plásticas e deseño e nas sedes da inspección educativa.
Segundo. Resoltas, se é o caso, as reclamacións presentadas contra esta resolución, publicaranse no Diario Oficial de Galicia as vacantes definitivas que serán obxecto de concurso de traslados.
Santiago de Compostela, 12 de decembro de 2011.
José Manuel Pinal Rodríguez
Director xeral de Centros e Recursos Humanos