Francisco González Lameiro, en representación de Pirotécnia La Gallega, S.L., solicitou neste concello licenza municipal para a obtención de título habilitante que ampare a solicitude formulada para a legalización da situación da instalación dun taller de pirotecnia, sita en Baldráns-Tui, e en cumprimento do artigo 8.3.º do Decreto 133/2008, do 12 de xuño, polo que se regula a avaliación de incidencia ambiental, sométese á información pública polo período de vinte días hábiles, co fin de que durante este prazo, que comezará a contar desde a inserción deste anuncio no DOG e no BOP, todas aquelas persoas que se consideren afectadas pola actividade que se pretende instalar poidan examinar o expediente no Departamento de Urbanismo deste concello e poidan formular por escrito as alegacións que consideren oportunas.
Tui, 1 de decembro de 2011.
Moisés Rodríguez Pérez
Alcalde