Visto o expediente instruído para os efectos de transmisión do viveiro Suafer VII e da concesión administrativa que o ampara, resulta:

a) Antecedentes de feito.

Primeiro. Mediante escrito do 23 de agosto de 2011, Claudino Pazos Barciela solicitou autorización para transmisión da concesión do viveiro Suafer VII.

Segundo. Os informes do Servizo de Protección dos Recursos sobre as características do viveiro e do Servizo Técnico Xurídico sobre a tramitación do expediente, son favorables.

b) Fundamentos xurídicos.

Primeiro. Este órgano é competente para resolver os expedientes de conformidade coa Lei 6/2009, do 11 de decembro, de modificación da Lei 11/2008, do 3 de decembro, de pesca de Galicia, e coa Orde do 25 de novembro de 2009 de delegación de competencias nos xefes territoriais da Consellería do Mar.

Segundo. O expediente seguiu todos os trámites establecidos no procedemento administrativo común, coas especialidades previstas no Decreto 406/1996, do 7 de novembro, pola que se aproba o regulamento de viveiros de cultivos mariños nas augas de Galicia, e na Orde do 15 de xuño de 1999 pola que se regula o procedemento para a transmisión da titularidade das concesións dos viveiros de cultivos mariños nas augas de Galicia.

Vistas as disposicións citadas, a proposta de resolución elaborada polo Servizo de Recursos Mariños, o artigo 89 da Lei 30/1992, do 26 de novembro, modificada pola Lei 4/1999, do 13 de xaneiro, de réxime xurídico das administracións públicas e do procedemento administrativo común, e demais normas de xeral e pertinente aplicación, esta consellería

resolve:

Autorizar a transmisión inter vivos, a favor de Ramiro Gil Pena (35307267J) (cotitular); Francisco Gil Pena (35307268Z) (cotitular); Ana Isabel Curra González (78734608L)(ganancial); Juan José Gil Pena (78733902A) (cotitular) e Mónica Francisco Martínez (35314583S) (ganancial), da concesión que se indica a continuación:

Identificación:

Tipo: batea.

Nome: Suafer VII.

Situación:

Cuadrícula n.º: 7.

Polígono: G.

Distrito: Cangas (Pontevedra).

Especies autorizadas:

Mexillón (Mytilus galloprovincialis).

Título habilitante:

Orde de outorgamento: 16.6.1975.

Remate da vixencia: 15.12.2019.

Actual titular: Claudino Pazos Barciela (36015072Q).

Novos titulares: Ramiro Gil Pena (35307267J) (cotitular); Francisco Gil Pena (35307268Z) (cotitular); Ana Isabel Curra González (78734608L) (ganancial); Juan José Gil Pena (78733902A) (cotitular) e Mónica Francisco Martínez (35314583S) (ganancial).

Baixo as seguintes condicións:

Primeira. Os titulares deberán presentar no prazo máximo de un mes, contado desde o día seguinte ao da publicación da presente resolución no Diario Oficial de Galicia, orixinal ou fotocopia compulsada da seguinte documentación:

a) Documento notarial da transmisión ou doazón.

b) Solicitude ou carta de pagamento do imposto de transmisións patrimoniais ou documento de sucesións.

Segunda. Transcorrido o prazo indicado na condición primeira sen ter presentado a documentación requirida, a autorización quedará sen efecto, logo de comunicación por parte da consellería.

Terceira. Os novos titulares da concesión quedan subrogados nos dereitos e obrigas do anterior, desde o momento de formalización da compravenda en escritura pública.

Contra esta resolución, que esgota a vía administrativa, poderase interpoñer recurso potestativo de reposición no prazo dun mes ante a conselleira do Mar, ou recurso contencioso-administrativo, ante a xurisdición contencioso-administrativa, no prazo de dous meses, contados en ambos os dous casos desde o día seguinte ao da súa publicación, de conformidade co disposto no artigo 116 da Lei 30/1992, do 26 de novembro, modificada pola Lei 4/1999, do 13 de xaneiro, de réxime xurídico das administracións públicas e do procedemento administrativo común e o artigo 46.1 da Lei 29/1998, do 13 de xullo, reguladora da xurisdición contencioso-administrativa.

Vigo, 8 de novembro de 2011.

P.D. (Orde 25.11.2009; DOG núm. 235, do 1 de decembro)
Sonia Lorenzo Santos
Xefa territorial de Vigo