Con data do 18 de outubro de 2011, o director xeral de Innovación e Xestión da Saúde Pública da Consellería de Sanidade ditou resolución do expediente sancionador n.º 2011163SAM incoado na Xefatura Territorial da Consellería de Sanidade da Coruña a Manuel Cornes Sieira, representante do establecemento Club de Tenis Squash Santiago.
Intentada a notificación deste acordo segundo o disposto no artigo 59 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro, e non sendo posible a súa práctica, por medio desta cédula, e seguindo o disposto no número 5 do referido artigo, notifícase a Manuel Cornes Sieira, representante do establecemento Club de Tenis Squash Santiago, o contido da referida resolución que figura como anexo, para que poida ter coñecemento dela.
Así mesmo, fáiselle saber o dereito que o asiste para interpor recurso de alzada ante a conselleira de Sanidade no prazo dun mes, contado desde o día seguinte á publicación desta cédula, segundo establece o artigo 115 da Lei 30/1992, do 26 de novembro, e lémbraselle o seu dereito a consultar o expediente, depositado nas dependencias desta Dirección Xeral de Innovación e Xestión da Saúde Pública, sita en San Lázaro s/n, Santiago de Compostela, e obter, se é o caso, copia do mesmo, segundo o previsto na letra a) do artigo 35 da citada Lei 30/1992, do 26 de novembro.
En caso de conformidade con esta resolución, deberá facer efectiva a multa no prazo de 15 días hábiles, mediante ingreso que debe efectuar en Caixa Galicia cta. contable 840, código 001, ou en Caixanova, recaudación Xunta, modelo XTAX, e empregando os impresos normalizados que lle serán facilitados nas dependencias desta Dirección Xeral de Innovación e Xestión da Saúde Pública. O pagamento voluntario porá fin ao expediente. De non facelo así, procederase ao seu cobramento pola vía de constrinximento.
Esta cédula expídese para que conste e lle sirva de notificación ao interesado, en cumprimento co disposto no artigo 59.5 da Lei 30/1992, do 26 de novembro.
Santiago de Compostela, 17 de novembro de 2011.
Manuel Antonio Varela Rey
Director xeral de Innovación e Xestión da Saúde Pública
ANEXO
N.º expediente: 2011163SAM.
Denunciado: Manuel Cornes Sieira, representante do establecemento Club de Tenis Squash Santiago.
DNI/CIF: 33231012Z.
Último enderezo coñecido: lugar de Calo s/n, Teo.
Feito imputado: infracción en materia sanitaria.
Precepto/s infrinxido/s: artigo 42.a) da Lei 8/2008; artigo 35.b) da Lei 14/1986; artigo 36 do Decreto 103/2005.
Tipificación: grave.
Sanción imposta: 4.000 euros.