Con data do 29 de agosto de 2011 o Pleno corporativo do Concello do Porriño aprobou definitivamente o Plan Especial de Reforma Interior da área de repartición n.º 1, mediante acordo que ten o seguinte contido literal:

«1.º Aprobar definitivamente o Plan Especial de Reforma Interior da área de repartición n.º 1 do PXOM do Concello do Porriño, promovido por Jaime Campo Carrera e redactado polos arquitectos José Luis Pereiro Alonso e Simón Pereiro López Quecuty, visado polo Colexio Oficial de Arquitectos de Galicia con data do 12 de abril de 2011.

2.º Publicar o acordo de aprobación definitiva no DOG e a normativa e ordenanzas no BOP, pola aplicación do artigo 92 da Lei 9/2002, de ordenación urbanística de Galicia.

3.º Dar traslado á CPTOPT dunha copia adverada do expediente administrativo completo e de dous exemplares do instrumento aprobado definitivamente con todos os planos que integran o plan sobre os que se dita este acordo, debidamente dilixenciado polo secretario do concello».

A documentación correspondente á aprobación definitiva remitiuse á Consellería de Política Territorial, Obras Públicas e Vivenda o 10 de novembro de 2011, con rexistro de saída n.º 5260.

Este acordo esgota a vía administrativa e contra este Plan Especial de Reforma Interior da área de repartición n.º 1, quen se considere lexitimado poderá interpor directamente recurso contencioso-administrativo no prazo de dous meses ante o Tribunal Superior de Xustiza de Galicia. Non obstante, tamén se poderá interpor calquera outro recurso que a persoa interesada considere procedente, conforme a dereito.

De conformidade co disposto no artigo 70.2.º da Lei 7/1985, de bases de réxime local, e co artigo 92.2.º da Lei 9/2002, de ordenación urbanística de Galicia, a normativa e ordenanzas deste plan parcial publícanse no BOP.

O Porriño, 14 de novembro de 2011.

José Nelson Santos Argibay
Alcalde