Visto o expediente instruído a efectos de transmisión dun parque de cultivo e da concesión administrativa que o ampara, resulta:

a) Antecedentes de feito.

Primeiro. Con data do 10.5.2011, Rosa María Miras Antel, en representación de Mar-Casal, S.L. Unipersoal, solicitou autorización para a transmisión de titularidade dun parque de cultivo con ocupación de 8.320 metros cadrados de dominio público marítimo-terrestre.

Segundo. A interesada achegou a documentación requirida para a tramitación.

Terceiro. No expediente consta a seguinte documentación, referida ao resultado da información oficial:

• Informe técnico da Xefatura Territorial da Consellería do Mar da Coruña.
• A Dirección Xeral de Sostibilidade da Costa e do Mar (Ministerio de Medio Ambiente e Medio Rural e Mariño) o 3.6.2011 emite informe favorable sobre a transferencia a Mar-Casal, S.L. (sociedade unipersoal, con accionista única: Rosa María Miras Antel) da concesión administrativa para a ocupación de 8.320 metros cadrados de terreos de dominio público marítimo-terrestre con destino a parque de cultivo de moluscos, sito entre Cadoleira e Furna do Corvo, marxe esquerda do río Anllóns, Candua, Cabana (A Coruña).

b) Consideracións legais e técnicas.

Primeiro. Este órgano é competente para resolver o expediente de conformidade coa Lei 11/2008, do 3 de decembro, de pesca de Galicia (DOG núm. 243, do 16 de decembro), modificada pola Lei 6/2009, do 11 de decembro (DOG núm. 243, do 15 de decembro), e coa Orde do 25 de novembro de 2009 (DOG núm. 235, do 1 de decembro), de delegación de competencias no secretario xeral, nos directores xerais, nos xefes territoriais da Consellería do Mar e no presidente do Consello de Administración do ente público Portos de Galicia.

Segundo. O expediente seguiu todos os trámites establecidos no procedemento administrativo común e na Lei 11/2008, do 3 de decembro (DOG núm. 243, do 16 de decembro), de pesca de Galicia, modificada pola Lei 6/2009, do 11 de decembro (DOG núm. 243, do 15 de decembro), así como polo disposto no Decreto 274/2003, do 4 de xuño, polo que se regula o procedemento de obtención do permiso e a concesión de actividade para os establecementos de acuicultura e auxiliares de acuicultura na zona terrestre.

Vistas as disposicións citadas, a proposta de resolución elaborada polo Servizo de Recursos Mariños, o artigo 89 da Lei 30/1992, do 26 de novembro, modificada pola Lei 4/1999, do 13 de xaneiro, de réxime xurídico das administracións públicas e do procedemento administrativo común, e demais normas de xeral e pertinente aplicación, esta consellería

RESOLVE:

Autorizar a transmisión inter vivos, a favor de Mar-Casal, S.L. (CIF B-15213994) (sociedade unipersoal, con accionista única: Rosa María Miras Antel, DNI: 32770388B), da concesión administrativa do parque que se indica a seguir:

Identificación:

Tipo: parque de cultivo.

Localización: entre Cadoleira e Furna do Corvo, marxe esquerda do río Anllóns, Canduas, Cabana (A Coruña).

Especies autorizadas: ameixa babosa (Venerupis pullastra), ameixa fina (Ruditapes decussatus), ameixa xaponesa (Ruditapes philippinarum), ostra xaponesa (Crassostrea gigas), ostra plana (Ostrea edulis) e berberecho (Cerastoderma edule).

Título habilitante:

Orde de outorgamento: 20.2.2009 (DOG n.º 89, do 8 de maio).

Remate da vixencia: 9.4.2019.

Actual titular: Mar-Casal, S.L. (CIF: E-15384092 ), sociedade unipersoal, único accionista Fidel Toimil Calza, DNI: 32775919E.

Novo titular: Mar-Casal, S.L. (CIF: E-15384092 ), sociedade unipersoal, única accionista Rosa María Miras Antel, DNI: 32770388B.

Baixo as seguintes condicións:

Primeira. O actual titular deberá presentar no prazo máximo dun mes, contado desde o día seguinte ao da publicación desta orde no Diario Oficial de Galicia, orixinal ou fotocopia cotexada da seguinte documentación:

• Solicitude ou carta de pagamento do imposto de transmisións patrimoniais.

Segundo. Transcorrido o prazo indicado na condición primeira sen se achegar a documentación requirida, a autorización quedará sen efecto, logo de comunicación por parte da consellería.

Terceira. O novo titular da concesión queda subrogado nos dereitos e obrigas do anterior, desde o momento de formalización da compravenda en escritura pública.

Contra esta resolución, que esgota a vía administrativa, poderase interpor recurso potestativo de reposición no prazo dun mes ante a conselleira do Mar, ou recurso contencioso-administrativo, ante a xurisdición contencioso-administrativa, no prazo de dous meses, contados en ambos os dous casos desde o día seguinte ao da súa publicación, de conformidade co disposto no artigo 116 da Lei 30/1992, do 26 de novembro, modificada pola Lei 4/1999, do 13 de xaneiro, de réxime xurídico das administracións públicas e do procedemento administrativo común, e no artigo 46.1 da Lei 29/1998, do 13 de xullo, reguladora da xurisdición contencioso-administrativa.

A Coruña, 21 de novembro de 2011.

P.D. (Orde 25.11.2009, DOG núm. 235, do 1 de decembro)
Juan Carlos Barreiro González
Xefe territorial da Coruña