Margarita Caloto Goyanes, secretaria xudicial do Xulgado de Primeira Instancia número 6 de Vigo, fago saber que neste xulgado se segue o procedemento expediente de dominio, exceso de cabida, n.º 1059/2010, por instancia da entidade 2 ADC XXI, S.L., expediente de dominio para a inscrición do exceso de cabida do predio seguinte:
Urbano: terreo con casa de planta baixa na rúa Canadelo Alto de Vigo, dunha superficie aproximada de corenta e un metros sesenta decímetros cadrados. Lindes: fronte, calella propia de servizo; fondo, terreo de Juana Lourido; esquerda, con casa dos herdeiros de Luis Domínguez e Luisa María; dereita, con calella propia de servizo.
Predio rexistral n.º 9.041, tomo 686, folio 175 do Rexistro da Propiedade número 1 de Vigo.
Referencia catastral: 4161665NG2746S0001J.
Mediante este e en virtude do acordado por resolución desta data e providencia do 5 de novembro de 2010, convócanse os lindeiros en paradoiro descoñecido Juana Lourido, Luis Domínguez e María Meira, para que no prazo dos dez días seguintes á publicación deste edicto poidan comparecer en forma no expediente e alegar o que ao seu dereito conveña.
Vigo, 17 de novembro de 2011.