O xerente executivo do Hospital Virxe da Xunqueira, de conformidade co establecido no artigo 67 do Decreto 206/2005, do 22 de xullo, de provisión de prazas de persoal estatutario do Servizo Galego de Saúde, ao abeiro dos principios recollidos na norma xeral décimo cuarta do Pacto de selección temporal de persoal estatutario nas institucións sanitarias do Servizo Galego de Saúde, e en virtude das competencias atribuídas polo Decreto 168/2010, do 7 de outubro, polo que se regula a estrutura organizativa de xestión integrada do Servizo Galego de Saúde e polo artigo único da Orde do 28 de setembro de 2011 pola que se modifica a Orde do 15 de xuño de 2009 sobre delegación de competencias en órganos centrais e periféricos do Servizo Galego de Saúde,

RESOLVE:

Primeiro. Proceder ao anuncio de convocatoria para vinculación temporal do seguinte persoal:

– Un facultativo especialista en aparello dixestivo.

Segundo. As solicitudes para participar nesta convocatoria deberán dirixirse ao xerente executivo do Hospital Virxe da Xunqueira e poderán presentarse no rexistro do hospital así como en calquera das oficinas previstas no artigo 38 da Lei 30/1992, do 26 de novembro, de réxime xurídico das administracións públicas e do procedemento administrativo común, no prazo de quince días naturais, contados desde o seguinte á data da publicación do anuncio desta convocatoria no Diario Oficial de Galicia.

Terceiro. A mencionada convocatoria xunto coas correspondentes bases reguladoras estarán expostas nos taboleiros de anuncios do Hospital Virxe da Xunqueira, así como na páxina web do Servizo Galego de Saúde (www.sergas.es).

Cee, 16 de novembro de 2011.

Ramón Ares Rico
Xerente executivo do Hospital Virxe da Xunqueira