O Decreto 332/1995, do 27 de decembro, establece para a Comunidade Autónoma de Galicia as axudas para o fomento da contratación dos seguros agrarios coa finalidade de que un maior número de agricultores e gandeiros poidan beneficiarse das vantaxes que supoñen os seguros como un instrumento que lles permite facer fronte ás perdas económicas que poidan ter nas súas produccións como consecuencia da actuación de axentes alleos, coma a climatoloxía, enfermidades, etc.
Tendo en conta a evolución da contratación de seguros agrarios nas últimas campañas, as recomendacións da Comisión Europea en canto a contías máximas de subvención por tipos de seguros e coberturas e o Decreto 287/2000, do 21 de novembro, polo que se desenvolve o réxime de axudas e subvencións públicas da Comunidade Autónoma de Galicia, é necesario regular mediante esta orde determinados aspectos das axudas para fomenta-la contratación de seguros durante o ano 2004.
Conforme o previsto no artigo quinto do título II da Lei 87/1978, do 28 de decembro, e o regulamento que a desenvolve, aprobado por Real decreto 2329/1979, do 14 de setembro, a entidade estatal de Seguros Agrarios ten previsto elabora-lo Plan de Seguros Agrarios Combinados para o exercicio 2004, o contido do cal se axusta ó acordo de bases para a elaboración dos plans de Seguros Agrarios Combinados, para o trienio 2004-2006, aprobado pola Comisión Delegada do Goberno para Asuntos Económicos, en reunión do 31 de xullo de 2003.
No plan determinaranse as distintas porcentaxes de subvención que lle corresponden á Administración do Estado, para achegar por Enesa, nos diferentes grupos de liñas de seguro e os criterios para súa asignación; os estudios de viabilidade e condicións de cobertura ás novas liñas de seguro ou garantías adicionais que se poden incorporar como
novidades; a elaboración e revisión das normas de peritación; as datas de subscrición e prazos de elaboración de cada seguro; e demais cuestións relacionadas co plan.
O Plan Anual de Seguros Agrarios aprobarase para o 2004 por acordo do Consello de Ministros, que oportunamente se publicará no Boletín Oficial del Estado.
Nel estableceranse novas liñas, garantías e coberturas como importantes novidades, pendentes da finalización dos estudios de viabilidade nos prazos previstos, entre as que destacan a implantación dun seguro de explotación aviar de carne, a posta en marcha do seguro de incendio de plantacións forestais en solos agrícolas, o seguro combinado e garantía de danos excepcionais en planta ornamental, a posible implantación dun seguro de seca e incendio en apicultura e a revisión das condicións de cobertura dos danos extraordinarios en uva de vinificación co obxectivo de universaliza-la protección deste cultivo.
Mediante esta orde e en desenvolvemento do previsto no Decreto 332/1995, do 27 de decembro, a Comunidade Autónoma de Galicia participará nas subvencións que financien as pólizas de seguro que se prevexan no plan anual estatal, co fin de fomenta-la contratación de seguros agrarios.
En consecuencia, de acordo co disposto no artigo 30.I 3 do Estatuto de autonomía de Galicia no uso das facultades que me confire a Lei 1/1983, modificada pola Lei 11/1988, reguladora da Xunta e do seu presidente, e o Decreto 25/1998, do 22 de xaneiro,
DISPOÑO:
Artigo 1º.-Obxecto e beneficiarios.
1. O obxecto desta orde é establecer, no ano 2004, as axudas para o fomento da contratación dos seguros agrarios incluídos no plan de seguros agrarios combinados para o exercicio 2004, ó abeiro do previsto no Decreto 332/1995, do 27 de decembro, polo que se establecen na Comunidade Autónoma galega axudas para o fomento da contratación dos seguros agrarios.
2. Poderán ser beneficiarios das devanditas axudas os asegurados titulares de explotacións agrarias situadas no ámbito da Comunidade Autónoma de Galicia, sempre e cando subscriban pólizas de seguros de liñas agrícolas a partir do plan anual de seguros agrarios combinados do 2004, ou pólizas de liñas gandeiras a partir do plan anual de seguros agrarios combinados de 2003 e 2004, e cumpran o establecido no Decreto 332/1995 e nesta orde.
Artigo 2º.-Entidades aseguradoras autorizadas.
1. A subscrición do seguro realizarase exclusivamente a través das entidades aseguradoras autorizadas polo Ministerio de Economía e Facenda e incluídas na Agrupación Española de Entidades Aseguradoras de los
Seguros Agrarios Combinados, S.A. (Agroseguro), ou a través dos axentes de seguros autorizados de conformidade co previsto na Lei 87/1978, do 28 de decembro, de seguros agrarios combinados e demais normativa de desenvolvemento.
2. A contratación con estas entidades poderase realizar de forma individual ou ben de forma colectiva por medio de tomadores de seguros. Non obstante, soamente aqueles tomadores que se inscriban no Rexistro de Tomadores da Entidade Estatal de Seguros Agrarios (Enesa), poderán percibi-las subvencións públicas adicionais que por contratación colectiva se establezan.
Artigo 3º.-Liñas de seguros suvencionables e contía da axuda.
1. Para o ano 2004 a subvención da Consellería de Política Agroalimentaria e Desenvolvemento Rural queda establecida para as liñas de contratación dos grupos establecidos no anexo desta orde do seguinte xeito:
A. Unha porcentaxe sobre a axuda á contratación que lle corresponde de Enesa, que será:
a) Do 18% para tódalas liñas de contratación dos grupos I, II, III, IVe V, reflectidos no anexo I, agás nos casos dos puntos b) e c) seguintes.
b) Do 55%, para as liñas de uva de vinificación, froiteiras (mazá de mesa, pera, pexego, albaricoque e ameixa), cereixa e kiwi, en calquera das súas modalidades de contratación.
c) Do 22%, para as liñas de seguro de explotación de gando vacún reproductor e recría e seguro de explotación de ceba.
B. Unha porcentaxe do 31% sobre o custo neto do seguro, para a liña do seguro do grupo VI de cobertura de gastos derivados da destrucción de animais bovinos mortos nas explotacións (MER).
2. A concorrencia das axudas das administracións públicas non superarán as porcentaxes máximas establecidas nas directrices comunitarias (2000/C 28/02) sobre axudas estatais ó sector agrario para atender posibles perdas causadas por desastres naturais e acontecementos de carácter natural ou por fenómenos climáticos adversos asimilables a desastres naturais.
Artigo 4º.-Procedemento e prazos de execución.
1. A formalización da declaración do seguro considerarase solicitude de axuda, sempre e cando se realice dentro dos períodos de subscrición establecidos pola normativa do plan anual vixente establecido polo Ministerio de Agricultura, Pesca e Alimentación e, ademais, se formalicen os distintos puntos referentes á subvención que se conteñan na declaración do seguro. En todo caso, na declaración de seguro especificarase, no punto de subvencións para comunidades autónomas, a expresión literal de subvención da Comunidade Autónoma de Galicia.
2. As datas de inicio e o prazo da subscrición e formalización da correspondente póliza de seguro, sinálanse de xeito particular para cada liña de contratación no plan anual vixente, onde constan as datas de inicio para a subscrición das pólizas do seguro de que se trate.
3. O importe da axuda que lle corresponda á Consellería de Política Agroalimentaria e Desenvolvemento Rural, deduciranse do importe da prima que vai aboa-lo tomador ou o asegurado no momento da subscrición da póliza. As cantidades así descontadas serán pagadas pola consellería a Agroseguro contra certificacións de liquidación, sempre de acordo co procedemento establecido no correspondente convenio de colaboración subscrito entre a consellería e Agroseguro.
4. No dito convenio estableceranse os prazos e a documentación que Agroseguro deberá acompañar a cada certificación de liquidación co fin de que se poidan efectua-las comprobacións oportunas para a resolución por parte da Consellería de Política Agroalimentaria e Desenvolvemento Rural, antes de realiza-los correspondentes pagamentos da axuda a Agroseguro.
5. Dentro das dispoñibilidades orzamentarias e de acordo coa orde de presentación de solicitudes, o conselleiro de Política Agroalimentaria e Desenvolvemento Rural, logo da proposta do director xeral de Producción e Sanidade Agropecuaria, dictará a correspondente resolución de concesión ou denegación da axuda, no prazo máximo de seis meses contados desde a presentación da solicitude. Poderán entenderse desestimadas por silencio administrativo as solicitudes, se no devandito prazo non se dictase a correspondente resolución.
6. As resolucións expresas ou presuntas dictadas en aplicación desta orde, esgotan a vía administrativa e, contra elas, poderá interpoñerse potestativamente recurso de reposición ante o conselleiro de Política Agroalimentaria e Desenvolvemento Rural, no prazo dun mes contado a partir do día seguinte ó da súa notificación ou de tres meses, contados a partir do día seguinte ó da súa notificación ou de tres meses, contados a partir do día seguinte ó da súa notificación, se é expresa, ou de tres meses contados a partir do día seguinte a aquel no que se produza o acto presunto, segundo os casos, de conformidade co establecido nos artigos 107, 116 e 117 da Lei 30/1992, do 26 de decembro, segundo a redacción dada pola Lei 4/1999, ou ben poderá ser impugnada directamente ante o órgano xurisdiccional contencioso-administrativo competente no prazo de dous meses, contados a partir do día seguinte ó da súa notificación, se é expresa; ou de seis meses, contados a partir do día seguinte a aquel no
que se produza o acto presunto, de conformidade co establecido no artigo 46 da Lei reguladora da xurisdicción contencioso-administrativa.
Artigo 5º.-Obrigas dos beneficiarios e tomadores dos seguros.
1. Os tomadores dos seguros e, de se-lo caso, os asegurados beneficiarios achegarán unha listaxe resumo das pólizas subscritas así como toda aquela documentación relacionada coa contratación do seguro, sempre que así lles fose esixida expresamente pola Dirección Xeral de Producción e Sanidade Agropecuaria. Así mesmo, aqueles terán a obriga de facilitar toda a información que lles sexa requirida pola Intervención Xeral da Comunidade Autónoma, polo Tribunal de Contas e polo Consello de Contas, no exercicio das súas funcións de fiscalización e control do destino das axudas públicas.
2. Na formalización do seguro, os beneficiarios das axudas farán consta-las axudas solicitadas ou concedidas, das distintas administracións públicas competentes, para a mesma finalidade.
3. O incumprimento das obrigas sinaladas nos dous puntos anteriores poderá supoñe-la perda total ou parcial da axuda, así como a obriga de restituí-las cantidades percibidas, sen prexuízo doutras responsabilidades en que puidesen incorre-los beneficiarios ou perceptores.
Artigo 6º.-Modificación da resolución de concesión.
Toda alteración das condicións que se tivesen en conta para a concesión da axuda e, en todo caso, a obtención concorrente de subvencións ou axudas outorgadas por outras administracións ou entes públicos ou privados, nacionais ou internacionais, poderá dar lugar á modificación da resolución de concesión da axuda.
Artigo 7º.-Reintegro das axudas.
No caso de pagamentos indebidos, os beneficiarios ou perceptores das axudas quedarán obrigados ó reembolsamento do importe indebidamente percibido, xunto cos xuros de demora devengados dende o pagamento, sen prexuízo doutras responsabilidades ás que houbese lugar (artigos 78 e 79 do Decreto lexislativo 1/1999, do 7 de outubro, polo que se aproba o texto refundido da Lei de réxime financeiro e orzamentario de Galicia).
Artigo 8º.-Financiamento.
1. Para a concesión das axudas reguladas nesta orde existe crédito adecuado e suficiente con cargo ó proxecto de orzamentos xerais da Comunidade Autónoma de Galicia para o ano 2004, por un importe total de 5.000.000 de euros, que se verá incrementada con outros remanentes orzamentarios e sen prexuízo de ulteriores variacións producidas como consecuencia de modificacións orzamentarias, na aplicación 09.03.614-A.777.0.
2. De conformidade co establecido na orde da Consellería de Economía e Facenda, do 11 de febreiro de 1998, modificada polas ordes do 27 de novembro de 2000 e do 25 de outubro de 2001, posibilítase a tramitación anticipada de expedientes de gasto, sempre que exista crédito adecuado e suficiente no
proxecto de lei de orzamentos do exercicio do ano 2004 aprobado polo Consello da Xunta de Galicia, neste momento en trámite parlamentario, quedando sometida a concesión das ditas axudas á condición suspensiva de existencia de crédito adecuado e suficiente no momento da súa resolución.
Disposicións derradeiras
Primeira.-Facúltase o director xeral de Producción e Sanidade Agropecuaria para dicta-las instruccións precisas para o desenvolvemento e execución desta orde.
Segunda.-A presente orde entrará en vigor o día da súa publicación no Diario Oficial de Galicia.
Santiago de Compostela, 23 de decembro de 2003.
Juan Miguel Diz Guedes
Conselleiro de Política Agroalimentaria
e Desenvolvemento Rural
ANEXO
Grupos de liñas de seguro para efectos
da aplicación das subvencións
subscrición Xunta (%)
Liñas de seguro Data inicio
Subvención
* Liñas de seguro incluídas no grupo I:
Seguro combinado e garantía de danos excepcionais de cereais de inverno 1-3-2004 18
Seguro combinado e garantía de danos excepcionais de cereais de primavera 1-3-2004 18
Seguro combinado e garantía de danos excepcionais de leguminosas grao 1-3-2004 18
Póliza multicultivo en cultivos herbáceos extensivos 1-3-2004 18
* Liñas de seguro incluídas no grupo II:
Seguro combinado e garantía de danos excepcionais de kiwi 15-1-2004 55
Seguro combinado e garantía de danos excepcionais de alcachofa 1-7-2004 18
Seguro combinado e garantía de danos excepcionais de allo 1-9-2004 18
Seguro combinado e garantía de danos excepcionais de berenxena 15-1-2004 18
Seguro combinado e garantía de danos excepcionais de cebola 15-1-2004 18
Seguro combinado e garantía de danos excepcionais de coliflor e brócoli 1-3-2004 18
Seguro combinado e garantía de danos excepcionais de cultivos protexidos 1-6-2004 18
Seguro combinado e garantía de danos excepcionais de amorodo e amorodo grande 1-9-2004 18
Seguro combinado e garantía de danos excepcionais de chícharo verde 1-7-2004 18
Seguro combinado e garantía de danos excepcionais de faba verde 1-7-2004 18
Seguro combinado e garantía de danos excepcionais de xudía verde 15-1-2004 18
Seguro combinado e garantía de danos excepcionais de leituga 1-3-2004 18
Seguro combinado e garantía de danos excepcionais de melón 15-1-2004 18
Seguro combinado e garantía de danos excepcionais de pemento 15-1-2004 18
Seguro combinado e garantía de danos excepcionais de pataca 1-1-2004 18
Seguro combinado e garantía de danos excepcionais de sandía 15-1-2004 18
subscrición Xunta (%)
Liñas de seguro Data inicio
Subvención
(incluídos seguros complementarios e extensións de garantías)
(incluídos seguros complementarios e extensións de garantías)
Seguro combinado e garantía de danos excepcionais de tomate 15-1-2004 18
Seguro combinado e garantía de danos excepcionais de tomate de inverno 1-4-2004 18
Seguro combinado e garantía de danos excepcionais de cenoria 15-1-2004 18
Seguro combinado e garantía de danos excepcionais en planta ornamental (1) 1-6-2004 18
Seguro combinado e garantía de danos excepcionais de lúpulo 1-3-2004 18
Seguro combinado e garantía de danos excepcionais de viveiros de viñedo 1-2-2004 18
Tarefa xeral combinada 1-3-2004 18
* Liñas de seguro incluídas no grupo III:
Seguro integral de cereais de inverno en secaño 1-9-2004 18
Seguro integral de leguminosas grao en secaño 1-9-2004 18
Seguro combinado e garantía de danos excepcionais de froiteiras: albaricoque, ameixa, mazá, pexego e pera 1-1-2004 55
* Liñas de seguro incluídas no grupo IV:
Seguro combinado e garantía de danos excepcionais de cereixa 1-1-2004 55
Seguro multicultivo de cítricos e danos excepcionais 1-4-2004 18
Póliza multicultivo en cítricos 1-4-2004 18
Seguro combinado e garantía de danos excepcionais de caqui 1-4-2004 18
Seguro combinado e garantía de danos excepcionais de néspera 1-12-2004 18
Póliza multicultivo en hortalizas 1-3-2004 18
Seguro combinado e garantía de danos excepcionais de uva de vinificación 15-1-2004 55
Seguro de explotación de gando ovino e caprino 15-1-2004 18
Seguro de explotación de gando vacún reproductor e de recría 15-1-2004 22
Seguro de explotación de gando vacún de ceba 15-1-2004 22
Seguro de explotación de gando equino 1-7-2004 18
Seguro de explotación de gando equino en razas selectas 1-7-2004 18
Seguro de gando vacún de alta valoración xenética 1-7-2004 18
Seguro para a cobertura de danos por seca en pastos 1-7-2004 18
Seguro para a cobertura de danos por seca e incendios en apicultura (1) 1-7-2004 18
Seguro de explotación de gando aviar de carne (1) 1-7-2004 18
Seguro de incendio de plantacións forestais en solos agrícolas (1) 1-5-2004 18
* Liñas de seguro incluídas no grupo V (incluídos seguros complementarios e extensións de garantías):
Seguro de rendementos en explotacións de cultivos herbáceos extensivos 1-9-2004 18
Seguro de explotación de froiteiras 1-1-2004 55
Seguro de rendementos de uva de vinificación (2) 1-10-2004 55
* Liñas de seguro incluídas no grupo VI:
Seguro para a cobertura de gastos derivados da destrucción de animais bovinos mortos na explotación (MER) 15-1-2004 31 (*)
(*) Sobre o custo neto da póliza.
(1) A incorporación destas liñas está condicionada á realización dos correspondentes estudios de viabilidade, nos prazos previstos.
(2) A efectiva aplicación desta liña quedará condicionada ó resultado da revisión prevista sobre as condicións de cobertura dos danos extraordinarios co fin de universaliza-la protección actualmente existente.