Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita:
Solicitante: Unión Fenosa Distribución, S.A.
Domicilio social: A Batundeira, 2, Velle, 32960 Ourense.
Denominación: L.M.T., C.T. A Tapada da Veiga.
Situación: O Pereiro de Aguiar.
Características técnicas: liña subterránea a 20 kV, en conductor tipo R.H.Z. 12/20 kV con orixe na L.M.T. aérea procedente do C.T. A Veiga, de 70 m ata o C.T. Tapada-1 proxectado en caseta prefabricada con 630 kVA e r/t 20.000/380-220 V desde a cela de liña do C.T. anterior sae outra liña subterránea de 600 m ata o C.T. Tapada-2 proxectado en caseta prefabricada con 630 kVA e R/T 20.000/380-220 V.
Cumpridos os trámites ordenados na Lei 54/1997, do 27 de novembro, e no título VII, capítulo II do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, esta delegación provincial resolve:
Autorizar e aproba-lo proxecto de execución das devanditas instalacións, nas que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.
Contra a presente resolución poderase interpoñer recurso de alzada ante o conselleiro de Innovación, Industria e Comercio no prazo dun mes contado a partir do día seguinte ó da notificación desta resolución; tamén se poderá interpoñer calquera outro recurso que se estime pertinente.
Ourense, 20 de novembro de 2003.
Ramón Fernández-Linares Bouza
Delegado provincial de Ourense