DOG 252 do 30/12/2003 - ORDE do 10 de decembro de 2003 pola que se fixa o prezo de venda ó público da publicación: Xestión de calidade no aprovisionamento sanitario: guía para a aplicación da norma UNE-EN ISO 9001:2000, (encadernación rústica e wir-o).

III. OUTRAS DISPOSICIÓNS

CONSELLERÍA DE SANIDADE

ORDE do 10 de decembro de 2003 pola que se fixa o prezo de venda ó público da publicación: Xestión de calidade no aprovisionamento sanitario: guía para a aplicación da norma UNE-EN ISO 9001:2000, (encadernación rústica e wir-o).

A Lei 13/1991, do 9 de decembro, de taxas, prezos e exaccións reguladoras da Comunidade Autónoma de Galicia, no seu artigo 6, sinala a obriga de que os prezos privados sexan fixados polas consellerías correspondentes, logo de informe favorable da Consellería de Economía e Facenda, e publicados no Diario Oficial de Galicia.

Para cumprir este mandato e despois de emitido o preceptivo informe favorable da Consellería de Economía e Facenda, esta consellería,

DISPÓN:

Artigo único.

1. Queda aprobado o prezo de venda ó público da publicación editada polo Servicio Galego de Saúde e que se relaciona no anexo.

2. Este prezo entenderase, de selo caso, con IVE incluído.

Santiago de Compostela, 10 de decembro de 2003.

José María Hernández Cochón

Conselleiro de Sanidade

ANEXO

Xestión de calidade no aprovisionamento sanitario: guía para a plicación da norma UNE-EN ISO 9001:2000, (encadernación rústica e wir-o): 15 euros.