O Pleno do Concello, na sesión celebrada o 25 de novembro de 2003, prestou aprobación ós pregos de condicións económico-administrativas para a adquisición de terreos para a construcción de vivendas sociais. Supeditado ó disposto no acordo de referencia, convócase licitación, se ben esta se aprazará nos supostos previstos no acordo plenario relativo ó expediente de modificación de créditos e da concertación da operación de crédito, incoados para o efecto.
1. Entidade adxudicadora: Concello de Friol.
2. Obxecto do contrato: a adquisición de terreos para a construcción de vivendas sociais, conforme os pregos de condicións aprobados polo Pleno do Concello.
3. Tramitación, procedemento e forma de adxudicación:
a) Tramitación: urxente.
b) Procedemento: aberto.
c) Forma: concurso.
4. Orzamento base de licitación: 132.500 euros.
5. Financiamento: con cargo ós fondos propios do concello e á operación de crédito.
6. Garantías: provisional: 2% do orzamento que sirva de base á licitación.
7. Obtención de información e documentación: Concello de Friol. Praza de España s/n. CP 27220. Teléfono 982 37 50 01. Fax 982 37 52 06.
8. Presentación de proposicións: no rexistro xeral do Concello de Friol, ou por calquera xeito dos previstos na lexislación de procedemento administrativo, no prazo de 13 días naturais contados a partir do seguinte ó da publicación de anuncio no DOG.
9. Documentación que hai que presentar: a sinalada nos pregos de condicións económico-administrativas.
10. Apertura de propostas: o terceiro día hábil seguinte (excluídos os sábados), ó que se cumpran os trece días naturais contados desde a publicación de anuncio no DOG.
11. Criterios de adxudicación: os recollidos nos pregos de condicións.
Friol, 16 de decembro de 2003.
Antonio Muiña Pena
Alcalde