O Pleno do Concello de Viveiro, en sesión extraordinaria que tivo lugar o día 9 de setembro de 2003, aprobou definitivamente os proxectos presentados pola Oficina Municipal de Rehabilitación do Núcleo

Histórico de Viveiro que conteñen a modificación elemental do PEPRI do núcleo antigo de Viveiro, consistente en portas exteriores e colocación de reixas e modificación puntual do PEPRI de Valdeflores na antiga fábrica de curtidos.

Consonte o disposto no artigo 77.3º da Lei 9/2002, de ordenación urbanística e protección do medio rural de Galicia, coa aprobación definitiva extínguese a suspensión do outorgamento de licencias urbanísticas no ámbito territorial da norma de planeamento.

Contra este acordo, que é firme na vía administrativa, poderase presentar, á elección do interesado:

-Recurso de reposición, ante o mesmo órgano que dictou o acto, no prazo dun mes, contado desde o día seguinte ó da publicación deste anuncio no Diario Oficial de Galicia.

-Recurso contencioso-administrativo, directamente, ante a Sala do Contencioso-Administrativo do Tribunal Superior de Xustiza de Galicia, no prazo de dous meses, contado desde o día seguinte ó da publicación deste anuncio no Diario Oficial de Galicia.

Se se opta por presenta-lo recurso de reposición, o prazo para dicta-la súa resolución e notificación será dun mes; contra a desestimación expresa ou presunta polo transcurso do prazo do mes, poderá presentar recurso contencioso-administrativo ante o órgano xurisdiccional e no prazo antes mencionado.

Malia o antedito, poderá presentar, se é o caso, calquera outro recurso que estime procedente.

A interposición do recurso non paraliza a executividade da resolución.

Viveiro, 24 de novembro de 2003.

Melchor Roel Rivas

Alcalde