I. Con data do 30 de xullo de 2002 o Consello da Xunta de Galicia declarou o proxecto sectorial para a implantación da central de transporte e terminal intermodal de San Cibrao das Viñas coma de incidencia supramunicipal para os efectos previstos pola Lei 10/1995, de ordenación do territorio de Galicia, e o Decreto 80/2000, do 23 de marzo, polo que se regulan os plans e proxectos sectoriais de incidencia supramunicipal.

II. Con data do 11 de abril de 2003 o Consello da Xunta de Galicia aprobou definitivamente o proxecto sectorial para a implantación da central de transportes e terminal intermodal de San Cibrao das Viñas e declarou de utilidade pública e interese social as obras, instalacións e servicios previstos, así como a necesidade de ocupación para efectos de expropiación dos bens e dereitos necesarios para a execución do referido proxecto sectorial.

En virtude do disposto no proxecto sectorial, o Instituto Galego da Vivenda e Solo exercerá a potestade expropiatoria para a adquisición dos bens e dereitos afectados polo centro de transporte e terminal intermodal, que a exercerá en beneficio da Dirección Xeral de Transportes. No devandito proxecto prevese que os accesos serán expropiados pola Consellería de Política Territorial, Obras Públicas e Vivenda.

III. Mediante resolución do director xeral do IGVS do 14 de xullo de 2003, deuse inicio a este expediente expropiatorio e ó seu sometemento a información pública, co fin de que os que se consideren prexudicados polas obras que se prevén, poidan exa

mina-lo expediente e aduci-lo que estimaren conveniente. A urxente ocupación dos bens e dereitos necesarios e que se concretan no expediente administrativo instruído, foi acordada polo Consello da Xunta de Galicia mediante o Decreto 401/2003, do 16 de outubro, publicado no DOG do 10 de novembro de 2003.

IV. Os días 9, 10, 11 e 12 de decembro de 2003 levantáronse as actas previas á ocupación dos sinalados bens e dereitos afectados. A continuación a Administración formulou as follas de depósito previo á ocupación de cada un dos predios afectados neste procedemento, conforme o estipulado no punto 4º do artigo 52 da Lei de expropiación forzosa. Polo que, consecuentemente, se procederá ó pagamento ou consignación do dito depósito e, de inmediato, á ocupación dos bens e dereitos afectados, segundo o estipulado no número 6º do artigo 52 da Lei de expropiación forzosa.

V. Na súa virtude, fíxanse as datas nas que se levarán a efecto ó pagamento ou consignación do depósito previo e o levantamento das actas de ocupación.

1. Para os ditos actos debe terse en conta:

a) Neste procedemento expropiatorio, a Administración expropiante e a beneficiaria procederá a satisfacer ou consignar, se é o caso, na condición de depósito previo á ocupación, a totalidade da valoración asignada a cada un dos bens e dereitos afectados, sen prexuízo do que resulte na tramitación do expediente nas súas fases de prezo xusto e pagamento, conforme os artigos 24 e seguintes da Lei de expropiación forzosa e demais disposicións aplicables.

b) O pagamento do depósito previo só se fará efectivo, consignándose en caso contrario, ós interesados que acreditan en legal forma a súa titularidade, achegando os documentos acreditativos desta e o seu DNI.

c) Se o expropiado non quixese acepta-lo depósito previo ou non achegase títulos xustificativos suficientes do dominio ou existise contenda respecto á titularidade do ben ou dereito expropiado ou, en xeral, concorrese algún dos supostos do artigo 51 do regulamento da Lei de expropiación forzosa, a Administración consignará o importe na Caixa Xeral de Depósitos.

d) De conformidade co artigo 52.6º da Lei de expropiación forzosa redactarase a acta de ocupación do ben ou o dereito expropiado a continuación da de pagamento e do depósito previo á ocupación.

e) Para proceder ó pagamento do depósito previo e ó levantamento destas actas deberán asisti-los titu

lares persoalmente ou ben representados por persoa debidamente autorizada para actuaren no seu nome con poder suficiente, do que achegarán copia, provistos dos documentos acreditativos da súa titularidade e do documento nacional de identidade.

2. En consecuencia e en cumprimento do disposto nos artigos 52 da Lei de expropiación forzosa e 56 e seguintes do regulamento para a súa aplicación, acórdase convoca-los titulares dos bens e dereitos afectados que figuran na relación anexa, para que comparezan no lugar, nas datas e nas horas que se detallan a continuación co fin de levar a cabo os seguintes actos:

Pagamento ou consignación do depósito previo e levantamento das actas de ocupación, para o caso do pagamento:

Local: Concello de San Cibrao das Viñas.

Día 29 de decembro de 2003:

Ás 8.30 horas: desde Olga Babarro Borrajo ata Avelina González Freire.

Ás 11.00 horas: desde Ministerio Fiscal ata Adolfo Fernández Cid.

Ás 17.00 horas: Manuel Peña Muriach ata o final da lista.

Levantamento das actas de ocupación, para os casos nos que se producise a consignación do depósito previo á ocupación, de conformidade co disposto no artigo 51 do regulamento e da Lei de expropiación forzosa:

Local: Concello de San Cibrao das Viñas.

Día 30 de decembro de 2003:

Ás 16.30 horas: desde Olga Babarro Borrajo ata o final da lista.

Relación de propietarios afectados pola expropiación en San Cibrao das Viñas

Publíquese este acordo no Diario Oficial de Galicia, no BOP, e en dous xornais da provincia. Igualmente, remitirase copia da relación ó Concello de San Cibrao das Viñas para que a fixe no seu taboleiro de anuncios e notificaráselles a tódolos afectados.

Este anuncio servirá de notificación nos termos do artigo 59 da Lei 30/1992, do 26 de novembro, de réxime xurídico das administración públicas e do procedemento administrativo común, para tódolos propietarios e interesados directamente afectados que, por resultar descoñecidos ou por ignorarse o seu domicilio, non poidan ser notificados individualmente.

O que se fai público para xeral coñecemento e dos propietarios dos terreos bens e dereitos afectados, a relación dos cales se xunta como anexo a esta resolución.

Santiago de Compostela, 22 de decembro de 2003.

José Antonio Redondo López

Director xeral do Instituto Galego

da Vivenda e Solo