O Xurado Provincial de Clasificación de Montes Veciñais en Man Común de Pontevedra, en sesión que tivo lugar o día 24 de abril de 2003, acordou inicia-los trámites para a clasificación, como veciñais en man común, dos seguintes montes:
Concello: Pontevedra.
Parroquia: Mourente.
Nome do monte: Campo de Cons.
Cabida: 25.200 m (superficie alegada na solicitude).
Lindes:
Norte: camiño de Cons de Abaixo a Minas e predios particulares de Gonzalo Dacosta Blanco, José Pastoriza, José Manuel e Abigail Pastoriza Fandiño, Jesús Torres, Dolores Freijeiro Alén e Dolores Tomé Durán.
Sur: estrada de Cons a Zorretas e predios particulares de Manuel Leiro Torres, José Luis e José Manuel Abal Palmás e Isabel Cochón Palmás.
Leste: predios particulares de Nino Mirón e valado do Casino Mercantil e Industrial de Pontevedra.
Oeste: predios particulares de Olegario Peleteiro, José Manuel Soliño Solla e Peregrina Peleteiro Coto.
Ocupacións: escola infantil (3.000 m), campo de fútbol (3.000 m) sen infraestructuras, lavadoiro comunal e parque con árbores.
Servidumes: liña eléctrica de media tensión e outras menores. Liña telefónica, estradas locais e camiño local.
Nome do monte: Monte das Ceñas.
Cabida: 5.200 m (superficie alegada na solicitude).
Lindes:
Norte: camiño de Ceñas a Condesa e predios particulares de Jesús Magdalena Iglesias e Dolores Magdalena Pérez.
Sur: predios particulares de María Rey Durán, Dolores e Rogelio Couto e herdeiros de Manuel Freijeiro Couto.
Leste: camiño de Ceñas a Condesa.
Oeste: predios particulares de Jesús Magdalena Iglesias, Serafín Quinteiro, Jesús e Carmen Freijeiro Quinteiro e herdeiros de Bernardo López Rodríguez.
Ocupacións: non hai.
Servidumes: non hai.
O que se pon en coñecemento de tódolos interesados, para efectos de abrir un período de información dun mes de duración contado a partir do día seguinte ó da publicación deste anuncio para que se poida examina-lo expediente e aducir durante este tempo o que se estime procedente en relación co monte de referencia, de conformidade co disposto no artigo 11 da Lei 13/1989, do 10 de outubro, de montes veciñais en man común, e no artigo 23.2º do Decreto 260/1992, do 2 de setembro, polo que se aproba a Regulamento para a execución da dita lei.
Pontevedra, 14 de novembro de 2003.
José Antonio López Rodríguez
Presidente do Xurado Provincial de Clasificación de Montes Veciñais en Man Común de Pontevedra