Ana María Carrasco García, secretaria do Xulgado do Social número catro da Coruña, dá fe e certifica que neste xulgado se seguen autos número 590/2001, por instancia da Xunta de Galicia contra a Tesourería da Seguridade Social e María José López Gómez sobre outros extremos, nos que recaeu sentencia o 30-10-2003, que copiada nos particulares necesarios di así:
«Decido que desestimando a demanda formulada pola Xunta de Galicia debo declarar e declaro conforme dereito a resolución da Tesourería Xeral da Seguridade Social que se impugna e absolvo as demandadas Tesourería Xeral da Seguridade Social e a codemandada María José López Gómez de tódolos pedimentos contidos naquela.
Notifíquesellas esta resolución ás partes e fágaselles saber que contra ela cabe recurso de suplicación, que se anunciará dentro dos cinco días seguintes á notificación da sentencia, perante este xulgado do que coñecerá, se é o caso, a Sala do Social do Tribunal Superior de Xustiza de Galicia, tal como establecen os artigos 188 e ss. do texto refundido da Lei de procedemento laboral aprobado polo Real decreto lexislativo 2/1995, do 7 de abril.
Así por esta miña sentencia definitivamente xulgando en primeira instancia, pronúncioo, mándoo e asínoo».
E para que conste, para efectos da súa publicación no Diario Oficial de Galicia co fin de que sirva de notificación en forma a María José López Gómez, expido e asino esta cédula na Coruña o 17 de novembro de 2003.
A secretaria xudicial
Rubricado