En cumprimento dos acordos existentes coa Consellería de Medio Ambiente e durante o prazo de trinta (30) días hábiles, o órgano substantivo someterá o estudio de impacto ambiental ó trámite de información pública, mediante anuncio no Diario Oficial de Galicia.

Na súa virtude,

RESOLVO:

Primeiro.-Someter a información pública o estudio de impacto ambiental do proxecto de remodelación da zona portuaria de Aldán e mellora do abrigo, situado no concello de Cangas, provincia de Pontevedra.

Segundo.-Para os efectos informativos, poranse ó dispor dos administrados exemplares nas seguintes dependencias:

-Ente público Portos de Galicia, servicios centrais.

-Delegación Provincial da Consellería de Medio Ambiente na provincia de Pontevedra.

-Concello de Cangas.

Terceiro.-As alegacións formularanse durante un prazo de trinta (30) días contados a partir do seguinte á publicación desta resolución no Diario Oficial de Galicia.

Santiago de Compostela, 17 de novembro de 2003.

Carlos Negreira Souto

Presidente do ente público Portos de Galicia