En cumprimento do disposto no artigo 2.4º do Decreto 327/1991, do 4 de outubro, de avaliación de efectos ambientais para Galicia (DOG nº 199, do 15 de outubro), esta dirección xeral publicou con data 25 de novembro de 2003, no DOG nº 229, a Resolución do 5 de novembro de 2003 pola que se sometía a información pública o estudio de efectos ambientais do proxecto de recuperación terreos balsas 1, 2, 3 e 4, no concello de Pontevedra, promovido polo Grupo Empresarial Ence, S.A.

Dado que, debido a un erro administrativo, se demorou a remisión ó Concello de Pontevedra do estudio de efectos ambientais, facéndose esta efectiva o día 5 de decembro de 2003, esta dirección xeral considera ampliar, polo prazo de quince (15) días, o sometemento do estudio de efectos ambientais ó trámite de información pública.

Na súa virtude

RESOLVO:

1. Ampliar en quince (15) días o prazo de exposición ó público nas dependencias do Concello de Pontevedra do estudio de efectos ambientais do proxecto de recuperación terreos balsas 1, 2, 3 e 4, no concello de Pontevedra, promovido polo Grupo Empresarial Ence, S.A.

2. As alegacións formularanse dentro do prazo resultante coa devandita ampliación, contado a partir do seguinte día á publicación desta resolución no Diario Oficial de Galicia.

Santiago de Compostela, 16 de decembro de 2003.

José Manuel Álvarez-Campana Gallo

Director xeral de Calidade e Avaliación Ambiental