O Pleno da Corporación, en sesión de dezanove de setembro de dous mil tres, prestou aprobación inicial ó proxecto de modificación puntual do Plan Xeral de Ordenación Urbana do Concello de Pontevedra na zona da Parda, xunto á estación de Renfe, para recualifica-la parcela de cesión ó concello, en virtude de convenio urbanístico, como equipamento socio-asistencial de carácter xenérico, e uso específico recreativo e deportivo, sendo o documento de ordenación de modificación do PXOU é formulado por este concello e redactado polo arquitecto xefe da Oficina Técnica Municipal de Planeamento e Xestión Urbanística, en marzo de 2003, contando con informe favorable da Consellería de Política Territorial, Obras Públicas e Vivenda do 10-7-2003, dispoñéndose o sometemento a información pública.

Durante o prazo dun mes, contado a partir da publicación deste anuncio no Diario Oficial de Galicia, calquera interesado poderá examinar no Servicio de Urbanismo, Medio Ambiente e Patrimonio Histórico deste concello (rúa Churruchaos, s/n) a documentación inicialmente aprobada, e formula-las alegacións que coide pertinentes.

Pontevedra, 6 de novembro de 2003.

P.D.

Xosé Cesáreo Mosquera Lorenzo

Tenente alcalde delegado da Área de Urbanismo e Medio Ambiente

Julio Dapena Outomuro

Secretario xeral