De conformidade co disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, e da Lei 4/1999, do 13 de xaneiro, de modificación da anterior, notifícaselle á persoa que se relaciona no anexo, na súa condición de promotor, a proposta de resolución que formula a instructora, polos feitos sinalados, presuntamente constitutivos dunha infracción á Lei 22/1988, do 28 de xullo, de costas, e do seu regulamento con data do 1 de decembro de 1989, modificado parcialmente polos reais decretos 1112/1992, do 18 de setembro e 1771/1994, do 5 de agosto.
O interesado dispón dun prazo de 15 días, a partir do día seguinte ó da publicación deste anuncio no Diario Oficial de Galicia para obte-las copias dos documentos que constan no expediente, formula-las alegacións e presenta-los documentos e informacións que considere pertinentes, conforme o artigo 19.1º do Real decreto 1398/1993 e 194.10º do Regulamento de costas.
O expediente mencionado a seguir atópase a disposición do interesado no Servicio de usos do litoral da citada Delegación Territorial na Coruña, da Consellería de Pesca e Asuntos Marítimos, edif. advo. de servicios múltiples, 8ª planta, praza Luís Seoane s/n, A Coruña.
Expediente número: S-47/2003.
Denunciado: Antonio Millán Laranga.
Condición: Promotor.
Último enderezo coñecido: r/ do Vilar, nº 54, Palmeira, Ribeira.
Data da proposta: 26-8-2003.
Feitos: reconstrucción de vivenda unifamiliar con aumento de volume (aumento dunha planta e anexo), todo iso coas características que figuran descritas no informe do técnico do Servicio de Usos do Litoral que consta no expediente.
Lugar: Modorróns-Palmeira.
Concello: Ribeira.
Tipificación: art. 90 c) da Lei de costas e 174 c) do seu regulamento.
Calificación: grave, art. 91.2º e) da Lei de costas e 175.2º e) do seu regulamento.
Proposta de resolución: impoñer unha multa de 17.875 A, e ordena-la restitución das cousa e a súa reposición o estado anterior á comisión da infracción a Antonio Millán Laranga, para o que se sinala un
prazo de dous meses desde que a resolución sexa firme na vía administrativa.
A Coruña, 21 de novembro de 2003.
Beatriz Mato Otero
Delegada territorial da Coruña