Para os efectos previstos na Lei 54/1997, do 27 de novembro (BOE nº 285), do sector eléctrico, e no título VII do Real decreto 1955/2000, do 1 de decembro (BOE nº 310), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización administrativa e a aprobación do proxecto de execución da instalación eléctrica que se cita:
Solicitante: Unión Fenosa Distribución, S.A.
Domicilio social: avda. de Arteixo, 171, 15007 A Coruña.
Denominación: L.M.T.S. e C.T. Orillamar, 68.
Situación: A Coruña.
Características técnicas:
Liña eléctrica subterránea de media tensión, a 15 kV, baixo tubo e con conductor R.H.V. 12/20 kV de 3 (1x240) mm Al, de 10 m de lonxitude, con orixe e final no tramo de liña entre o C.T. travesía Orillamar e o C.T. praza de España, unha vez entre e saia do C.T. Orillamar nº 68.
Centro de transformación de tipo subterráneo baixo entrada vestíbulo-portal edificio de vivendas de 1.000 kVA e tensións de 15/0,380-0,220 kV en rúa Orillamar, nº 68. Concello da Coruña.
Todas aquelas persoas ou entidades que se consideren afectadas poderán examina-lo expediente e presenta-las súas alegacións nesta delegación provincial, sita no edificio administrativo de Monelos, s/n, 15071 A Coruña, no prazo de vinte días, a partir da última publicación.
A Coruña, 7 de novembro de 2003.
Jesús Espada Martínez
Delegado provincial da Coruña