1. Autorización administrativa e estudio ambiental.

En cumprimento do disposto no Decreto 442/1990, do 13 de setembro, de avaliación do impacto ambien-

tal para Galicia, Lei 6/2001, do 8 de maio, de modificación do Real decreto lexislativo 1302/1986, do 28 de xuño, de avaliación de impacto ambiental, para os efectos previstos na Lei 54/1997, do 27 de novembro, do sector eléctrico, (BOE nº 285, do 28 de novembro), e no Real decreto 1955/2000, do 1 de decembro, sobre autorizacións de instalacións de enerxía eléctrica (BOE nº 310, do 27 de decembro), sométese a información pública a petición de autorización administrativa, aprobación do proxecto de execución e estudio do impacto ambiental para o trazado da liña eléctrica de referencia, que conta coas características técnicas que se relatan a continuación:

Peticionario: Barras Eléctricas Galaico-Asturianas, S.A.

Finalidade: aumento da capacidade de transporte das liñas Mondoñedo-Meira e Mondoñedo-Vilalba, esta última no seu primeiro tramo, e conexión da subestación de Mondoñedo coa futura subestación de Farrapa.

Características técnicas principais:

1. Liña eléctrica de alta tensión Mondoñedo-Meira a 132 kV con orixe na subestación de Mondoñedo e remate na subestación de Meira, cunha lonxitude total de 25.286 m, en simple circuíto con conductor LA-280 Dúplex cun total de 106 apoios metálicos.

2. Liña eléctrica de alta tensión Mondoñedo-Farrapa a 132 kV con orixe na subestación de Mondoñedo e remate no apoio 35 da L.A.T. Mondoñedo-Meira, cunha lonxitude de 6.476 m, en simple circuíto con conductor LA-280 Dúplex.

3. Liña eléctrica de alta tensión Mondoñedo-Vilalba 132 kV con orixe na subestación de Mondoñedo e remate no apoio 16 da L.A.T. Mondoñedo-Meira, cunha lonxitude de 2.768 m en simple circuíto con conductor LA-280.

2. Urxente ocupación.

O beneficiario, ó abeiro do título IX da Lei 54/1997, do 27 de novembro, do sector eléctrico, solicita, así mesmo, a declaración de utilidade pública das instalacións incluídas neste proxecto, que, segundo o sinalado no artigo 54 da devandita lei, levará implícito en todo caso a necesidade de ocupación dos bens ou de adquisición dos dereitos afectados e implicará a urxente ocupación para os efectos

do artigo 52 da Lei de expropiación forzosa. Polo tanto, a presente resolución de información pública, na que se relacionan tódolos bens e dereitos afectados pola urxente ocupación, realízase tamén para os efectos previstos no citado título IX da Lei 54/1997 e no capítulo V do título VII do Real decreto 1955/2000, do 1 de decembro, sobre autorización de instalacións de enerxía eléctrica.

3. Alegacións.

O que se fai público para que poida examinarse o proxecto das instalacións nesta delegación provincial (edificio administrativo Ronda da Muralla, 70, Lugo), e formula-las alegacións, por duplicado, que se consideren oportunas durante o prazo de trinta días. Igualmente, poderanse corrixi-los erros que se encontren ó relaciona-los bens afectados ata o mesmo momento do levantamento das actas previas.

Así mesmo, o estudio de impacto ambiental correspondente ás instalacións da L.A.T. 132 kV Mondoñedo-Meira, tramo II da L.A.T. 132 kV Farrapa-Mondoñedo e modificación da actual L.A.T. 132 kV Mondoñedo-Vilalba poderase examinar nas dependencias da Dirección Xeral de Calidade e Avaliación Ambiental, Delegación Provincial da Consellería de Innovación, Industria e Comercio de Lugo, Delegación Provincial da Consellería de Medio Ambiente en Lugo e nos concellos de Mondoñedo e A Pastoriza, podendo presentarse cantas alegacións se consideren pertinentes ante esta Delegación Provincial da Consellería de Innovación, Industria e Comercio de Lugo, dentro do mesmo prazo sinalado no parágrafo anterior. Finalizado o devandito prazo, o expediente, xunto coas alegacións recibidas remitiranse á Dirección Xeral de Calidade e Avaliación Ambiental.

Esta publicación realízase igualmente para os efectos do artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, cando os titulares dos predios propostos sexan descoñecidos ou se ignore o lugar de notificación, e así dirixirlle ó Ministerio Fiscal as dilixencias que se produzan, de conformidade co artigo 5 da Lei de expropiación forzosa, do 16 de decembro de 1954.

Lugo, 3 de decembro de 2003.

Jesús Bendaña Suárez

Delegado provincial de Lugo

Relación de bens e dereitos afectados

L.A.T. 132 kV Mondoñedo-Meira, tramo II L.A.T. 132 kV Farrapa-Mondoñedo e modificación da actual L.A.T. 132 kV Mondoñedo-Vilalba.

Ayuntamiento de Mondoñedo.

Concello da Pastoriza.

(*) Sobre este predio existe permiso de voo, mais non para a implantación do apoio.