DOG 243 do 16/12/2003 - RESOLUCIÓN do 17 de novembro de 2003 pola que se declara concluído o procedemento e deserta a praza do corpo de titular de universidade da área de coñecemento de filoloxía inglesa (Lugo), do departamento de Filoloxía Inglesa (praza 1948/2001).

IV. OPOSICIÓNS E CONCURSOS

UNIVERSIDADE DE SANTIAGO DE COMPOSTELA

RESOLUCIÓN do 17 de novembro de 2003 pola que se declara concluído o procedemento e deserta a praza do corpo de titular de universidade da área de coñecemento de filoloxía inglesa (Lugo), do departamento de Filoloxía Inglesa (praza 1948/2001).

Convocada a concurso por Resolución da Universidade de Santiago de Compostela, do 16 de novembro de 2001 (BOE do 4 de decembro de 2001) unha praza do corpo de titular de universidade, da área de coñecemento de filoloxía inglesa (Lugo), do departamento de Filoloxía Inglesa.

Rematado o prazo de presentación de solicitudes, que figura na base cuarta da convocatoria, sen terse presentado ningún aspirante e visto o artigo 11.2.d) do Real decreto 1888/1984, do 26 de setembro.

Este rectorado resolveu declarar concluído o procedemento e deserta a praza do corpo de titular de universidade.

Santiago de Compostela, 17 de novembro de 2003.

Senén Barro Ameneiro

Rector da Universidade de Santiago de Compostela