Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita:

Solicitante: UDESA.

Domicilio social: rúa de Madrid, 1, baixo, 15707 Santiago de Compostela.

Denominación: L.M.T.A., C.T. depuradora de traída de augas.

Situación: O Pino.

Descricións técnicas: liña eléctrica aérea de media tensión, a 20 kV, sobre apoios de formigón e con conductor LA-30, de 133 m de lonxitude, con orixe no apoio nº 19 da liña que alimenta o C.T. Granxas Deca e final no C.T.I. depuradora traída de augas, que se vai instalar.

C.T. tipo intemperie, sobre apoio de formigón, de 25 kV e tensións de 20/0,380-0,220 kV, en depuradora de traída de augas. Concello do Pino.

Cumpridos os trámites ordenados na Lei 54/1997, do 27 de novembro, do sector eléctrico (BOE nº 285), e no título VII, capítulo II, do Real decreto 1955/2000, do 1 de decembro (BOE nº 310), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, esta delegación provincial resolve:

Autorizar e aproba-lo proxecto de execución das devanditas instalacións, das que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación.

As instalacións executaranse nun prazo non superior a seis meses, contados a partir da data desta resolución.

Contra a presente resolución poderase interpoñer recurso de alzada ante o conselleiro de Innovación, Industria e Comercio no prazo dun mes contado a partir do día seguinte ó da notificación desta resolución; tamén se poderá interpoñer calquera outro recurso que se estime pertinente.

A Coruña, 7 de novembro de 2003.

Jesús Espada Martínez

Delegado provincial da Coruña